یاتریوںکو بہترین صحت خدمات اور طبی سہولیات فراہم کی جائیںگی: منڈاویہ
لازوال ڈیسک
نئی دہلی؍؍ صحت اور خاندانی بہبود کے مرکزی وزیر ڈاکٹر منسکھ منڈاویہ نے آج یہاں وزارت صحت اور ڈی جی ایچ ایس کے سینئر افسران کے ساتھ امرناتھ یاترا پر جانے والے عقیدت مندوں کے لیے صحت کی خدمات اور مناسب معیاری صحت کی سہولیات کی فراہمی کا جائزہ لیا۔انہیں بیس کیمپ اور راستے میں فراہم کی جانے والی طبی دیکھ بھال اور دیگر صحت کی سہولیات کے بارے میں بریفنگ دی گئی۔ مرکزی وزیر صحت نے عہدیداروں کو ہدایت دی ہے کہ وہ جموں و کشمیر کو اس بات کو یقینی بنانے کے لئے مدد کریں کہ یاتریوں کو مطلوبہ صحت کی سہولیات اور طبی خدمات فراہم کی جائیں تاکہ وہ مشکل سفر کرنے کے لئے اچھی صحت اور جسمانی حالت میں ہوں۔ وزیر موصوف نے کہا کہ اس بات کو یقینی بنائیں گے کہ یاترا کے دوران عقیدت مندوں کو بہترین صحت خدمات اور طبی سہولیات فراہم کی جائیں”۔امرناتھ یاترا جغرافیائی چیلنجوں کے لحاظ سے غیر معمولی ہے، خاص طور پر اونچائی سے متعلق مسائل ہیں۔ سالانہ امرناتھ یاترا یکم جولائی سے شروع ہورہی ہے۔ مرکزی وزیر صحت کی ہدایت کے مطابق، وزارت صحت یونین ٹیریٹوری حکومت کی ہر ممکن مدد کر رہی ہے۔ صحت کی مناسب ضروریات کو بڑھانے اور ان کی توقع کرنے کی کوشش میں یاترا کے لیے صحت کی دیکھ بھال کے انتظامات کے ساتھ جموں و کشمیر کیلئے ہر مدد یقینی بنائی جارہی ہے۔مرکزی وزارت صحت کی طرف سے بیس کیمپ اور راستے میں ضروری انفراسٹرکچر کے ساتھ طبی سہولیات قائم کی گئی ہیں۔ وزارت صحت نے ڈی آر ڈی او کی طرف سے دو محوری راستوں بالتل اور چندن واری پر 100 بستروں والے دو ہسپتالوں کے قیام کے لیے مکمل طور پر فنڈ اور تعاون کیا ہے، جو آپریشنل ہو چکے ہیں۔ ان اسپتالوں میں یاترا کے لیے تعینات عملے کی رہائش کی سہولیات شامل ہوں گی۔ ان ہسپتالوں میں تشخیص اور علاج کے لیے تمام سہولیات ہوں گی جن میں لیبارٹری کی سہولیات، ریڈیو تشخیص، گائنی، آئی سی یو، ہائپر بارک آکسیجن چیمبرز شامل ہیں۔یہ ہسپتال 24×7 کام کریں گے اور ان میں ایک آزاد ٹراما یونٹ کے ساتھ ماہر ڈاکٹر بھی ہوں گے۔
