ِِ۰۰۰
مشرف شمسی
ََّ۰۰۰
ایک ایسا ملک جو 23 لاکھ افراد کو ایک کھلی جیل میں سالہا سال سے بند کر رکھا ہے۔اس علاقے کے کسی بھی فرد کو اپنی مرضی سے کچھ کرنے کا حق نہیں ہے وہ لوگ جانوروں سے بد تر زندگی گزارنے پر مجبور ہیں۔اْن محصور افراد کو اسرائیلی فوجی بنا کسی قصور کے آئے دن گولی مار دیتا ہے اور کوئی اس موت پر اسرائیل سے سوال نہیں کر سکتا ہے۔کیا یہ فلسطینی کے خلاف دہشت گرد? نہیں ہے؟۔اسلئے کہ اسرائیل میں جمہوریت ہے۔اسرائیل اپنی سیکیورٹی کا بہانہ بنا کر کسی بھی فلسطینی کی جان لے سکتا ہے۔اسرائیل طاقت کے زعم میں یہ دہشت گردی اپنی قیام کے وقت سے ہی کر رہا ہے اور مغربی ممالک اسرائیلی دہشت گردی میں برابر کے شریک ہیں۔مغربی ممالک اسرائیلی دہشت گردی پر زبان نہیں کھولتے ہیں بلکہ اسرائیل کے خلاف کوئی معاملہ اقوام متحدہ میں جاتا ہے تو متحدہ ریاست امریکہ اْسے ویٹو کر دیتا ہے۔آخر کرے بھی کیوں نہیں ؟ کیونکہ مغربی ممالک خود دنیا کو برباد کر دینے کے جھوٹے پروپیگنڈہ کے نام پر ہنستا مسکراتا عراق کو برباد کر چکا ہے۔عراق پر الزام لگایا گیا تھا کہ صدام حسین خطرناک ہتھیار بنا رہا ہے اور اس کے ثبوت مغربی ممالک کو مل گئے ہیں جسے کئی سالوں بعد خود مغربی ممالک نے قبول کیا کہ وہ جھوٹ تھا۔لیکن عراق کی کسی غلطی کے بنا مغربی ممالک نے صرف اپنے مفاد کے لئے ایک لاکھ سے زیادہ بے قصور افراد کو مار دیا۔کیا وہ دہشت گردی نہیں تھی؟مغربی ممالک میں جمہوریت ہے اس لیے اْن ممالک کی دہشت گردی پر اْنہیں معاف کر دیا جانا چاہیے ؟آخر اْنہیں معاف بھی کر دیا گیا۔ سزا آخر اْنہیں کون دیگا؟ کون اْنہیں قصوروار ٹھہرائے گا؟ دنیا کے سارے قانون اْن مغربی ممالک کی مٹھی میں ہیں.اپنے پروپیگنڈہ مشین سے کسی بھی جھوٹ کو سچ اور سچ کو جھوٹ ثابت کرتا رہا ہے۔اسرائیل جیسا کہ میں پہلے بھی لکھ چکا ہوں کہ متحدہ ریاست امریکہ کا 56 واں ریاست کہا جاتا ہے۔مشرقی وسطیٰ میں اسرائیل کو طاقت ور بنائے رکھنا امریکہ کے مفاد میں رہا ہے۔اسرائیل کا خوف دیکھا کر امریکہ عرب ممالک کو جس طرح سے جیسا چاہتا ہے فائدہ اٹھاتا رہتا ہے۔چونکہ تیل سے مالامال عرب ممالک میں شاہی خاندان حکومت کرتے ہیں اسلئے اْنکی پہلی توجیہ اپنی حکومت کو قائم رکھنا ہوتا ہے لیکن اس خطّے میں ایرانی سمجھ چکے ہیں کہ امریکی تسلط سے خطّے کو محفوظ بنانا ہے تو امریکہ کو مشرقی وسطیٰ سے باہر کا راستہ دکھانا ہوگا۔اسکے لیے ضروری ہے کہ خود اپنے پیروں پر کھڑا ہونا ہوگا یعنی ہتھیاروں کے معاملے میں بھی خود کفیل بننا ہوگا۔روس – یوکرین جنگ میں ایران نے روس جیسے طاقتور ملک کو اپنے ڈرون دیئے جس کی وجہ سے روسی افواج کو اس جنگ میں کم جانی نقصان اٹھانا پڑ رہا ہے۔ایران اپنے اوپر لگی پابندی سے سخت جان بن چکا ہے اور تقریباً زیادہ تر استعمال کی چیزوں کو اپنے یھاں بنا رہا ہے۔وہ نہ صرف مشرقی وسطیٰ بلکہ دنیا کی سیاست میں اپنی اہمیت منوا رہا ہے۔ایران اپنی ہر ایک غلطی سے سیکھ رہا ہے۔مشرقی وسطیٰ میں بڑے بھائی کے کردار میں آ ہی چکا ہے اور بہت ہی جلد ہی جیو پالٹکس میں اپنا بڑا کردار نبھانے کے لئے تیار ہو رہا ہے۔
ایران کی بڑھتی ہوئی طاقت اسرائیل کو ہی نہیں امریکہ کو بھی پریشان کر رہا ہے۔لیکن ایرانی حکومت بہت ہی باریک بینی سے جائزہ لیتے ہوئے اپنا کھیل کھیل رہا ہے۔وہ صدام حسین کی طرح بیوقوف نہیں ہے۔اسرائیل پر اتنا بڑا حملھ ہو گیا اور دنیا جانتی بھی ہے کہ اس حملے کے پیچھے ایران ہے اور ایران حماس کے حملے کی مذمت بھی نہیں کیا ہے بلکہ اسرائیل کو اس حملے کی وجہ بتا رہا ہے اسکے باوجود امریکہ اور مغربی ممالک حماس کے حملے میں ایران کا ہاتھ ہے کہنے سے انکار کر رہے ہیں۔ایران حملھ اور تیور بھی اپنائے ہوئے ہے اور غزہ پر زمینی حملھ ہونے کی صورت میں جنگ میں کودنے کی بھی بات کر رہا ہے اور یمن کے حوثی باغیوں سے امریکی ٹھکانے پر حملے بھی کروا رہا ہے لیکن امریکہ براہ راست یہ نہیں کھ پا رہا ہے کہ عراق اور شام میں امریکی ٹھکانے پر حملے ایران کرا رہا ہے۔دراصل ایران کا اصل نشانہ امریکہ ہے اور امریکہ کے خلاف مورچہ بندی کے نام پر روس اور چین کو بھی ایران نے اپنے صف میں کھڑا کر لیا ہے۔اب امریکہ سمیت یورپ کے سبھی بڑے ممالک کے رہنماء بھاگ بھاگ کر اسرائیل جا رہے ہیں اور اسرائیل سے کہا جا رہا ہے کہ غزہ میں زمینی لڑائی شروع نہ کریں ورنہ اس لڑائی کا خمیازہ نہ صرف مشرقی وسطیٰ کو بھگتنا پڑے گا بلکہ یہ لڑائی یورپ میں بھی پھیل سکتی ہے۔ویسے بھی امریکہ اور اسرائیل سمیت کسی بھی بڑے ممالک میں یہ طاقت نہیں ہے کہ وہ زمینی اور گوریلا جنگ مقامی لوگوں سے لڑ سکے اور اْسے جیت سکے۔امریکہ جیسی طاقت ویتنام اور افغانستان میں شکست کھا چکا ہے اور سوویت یونین جیسی بڑی قوّت بھی افغانستان میں ہار چکا ہے۔۔اسرائیل لبنان میں 2006 میں 34 دنوں تک جنگ کرنے کے باوجود پیچھے واپس آنا پڑا تھا۔اسرائیل غزہ میں بجلی ،پانی ،کھانا اور دوائیوں کو بند کر غزہ کو جیتنا چاہتا ہے لیکن غزہ میں گھس کر حماس سے دو دو ہاتھ کرنے کی صلاحیت اسرائیلی فوجیوں میں بھی نہیں ہے۔اسرائیل مسلسل غزہ میں دہشت گردی کر رہا ہے۔ہر ایک دن اسپتالوں اور پناہ گزین کیمپوں پر بم برسائے جا رہے ہیں۔
اسرائیل چاہتا ہے کہ غزہ میں بغاوت ہو جائے اور باغیوں کے ساتھ مل کر غزہ میں حماس کو ختم کیا جائے۔جیسے طالبان کے خلاف 9/11 کے بعد جنگ شروع کی گئی تو کئی دنوں تک افغانستان میں بم برسائے جانے کے بعد امریکہ اور اْنکے ساتھی ممالک کی ہمت نہیں ہو رہی تھی کہ افغانستان میں زمینی جنگ شروع کی جائے۔آخر گلبدین حکمتیار کا جب ساتھ ملا تبھی امریکی فوج زمین پر اترے۔غزہ میں بھی اسرائیلی کو باغیوں کی تلاش ہے جو حماس کے ایک ایک ٹھکانے کا پتہ بتائے۔اسلئے اسرائیل بار بار کھ رہا ہے غزہ میں لڑائی لمبی چلیگی
