مقررین نے مہاتما گاندھی کے عدم تشدد کے فلسفے اور موجودہ دور میں اس کی اہمیت پر روشنی ڈالی
لازوال ڈیسک
جموں//گاندھی گلوبل فیملی جے اینڈ کے نے آج یہاںتاریخی دیوان عام، مبارک منڈی ہیریٹیج کمپلیکس، جموں میں بابائے قوم کی 155ویں یوم پیدائش کی یاد میں ایک تقریب کا اہتمام کیا۔ وہیںاس موقع پر پریزائیڈنگ آفیسر آئی ڈی سونی نے دیگر معززین کے ساتھ مہاتما گاندھی کو خراج عقیدت پیش کیا۔ اس موقع پر خطاب کرتے ہوئے، شری آئی ڈی سونی نے طلباء پر زور دیا کہ وہ پرامن زندگی گزارنے کے لیے اپنی روزمرہ کی زندگی میں ‘گاندھیائی اقدار’ کو اپنا لیں۔ انہوں نے مہاتما گاندھی کے عدم تشدد کے فلسفے اور موجودہ دور میں اس کی اہمیت پر بھی روشنی ڈالی۔ انہوں نے قومی یکجہتی کے فروغ اور معاشرے کے تمام طبقات کی مساوی ترقی پر زور دیا۔ انہوں نے مزید کہا کہ خود اور گردونواح کی صفائی انتہائی اہمیت کی حامل ہے جس کا استعمال مہاتما گاندھی نے کیا تھا۔
https://x.com/GGF_NGO
وہیںڈاکٹر ایس پی ورما، صدر، گاندھی گلوبل فیملی جموں و کشمیر نے سری نگر سے اپنی اپیل میں وزیر اعظم ہند سے بذریعہ جموں و کشمیر کے یوٹی کے لیفٹیننٹ گورنر منوج سنہا سے مشرق وسطیٰ میں جنگ بند کرنے کے لیے مغربی ایشیا میں مداخلت کرنے کی اپیل کی۔ انہوں نے مزید کہا کہ سادگی، عدم تشدد، سچائی، خود انحصاری اور ہمدردی کے ساتھ، گاندھیائی اصول عصری عالمی چیلنجوں سے نمٹنے کے لیے قابل قدر بصیرت پیش کرتے ہیں۔
اس دن کو بین الاقوامی یوم عدم تشدد کے طور پر بھی منایا جا رہا ہے جس میں مختلف اسکولوں اور کالجوں کے طلباء نے دنیا میں امن اور عدم تشدد کے لیے مہاتما گاندھی کے کردار پر روشنی ڈالی۔ اس کے علاوہ طلباء نے ہندوستان کے سابق وزیر اعظم شری لال بہادر شاستری کا یوم پیدائش بھی منایا۔ تمام شعبہ ہائے زندگی سے تعلق رکھنے والے افراد بشمول مختلف اسکولوں اور کالجوں کے طلبائ، اساتذہ، بزرگ شہریوں اور معززین نے بابائے قوم کو ان کی 155 ویں یوم پیدائش پر شاندار خراج عقیدت پیش کیا۔
