مقامی عوام کو درپیش مسائل پر کیا تبادلہ خیال،کھٹانہ نے ازالے کی یقین دہانی کروائی
لازوال ڈیسک
جموں؍؍ راجوری، پونچھ، ڈوڈہ اور جموں کے علاقوں کے وفود کی ایک سیریز نے حال ہی میں بی جے پی کے سینئر لیڈر اور ممبر پارلیمنٹ راجیہ سبھا غلام علی کھٹانہ سے ملاقات کی۔اس دوران انہوں نے مقامی رہائشیوں کو درپیش اہم مسائل پرتوجہ دلائی ۔دریں اثناء وفود نے اپنے اپنے علاقوں میں پانی کی کمی، بجلی کی فراہمی اور تباہ شدہ سڑکوں سے متعلق خدشات پر زور دیا۔وہیںکمیونٹی رہنماؤں، نمائندوں اور متعلقہ شہریوں پر مشتمل وفود نے رہائشیوں کی روزمرہ زندگی کو متاثر کرنے والے مستقل چیلنجوں پر اپنی پریشانی کا اظہار کیا۔ اس دوران پانی کی ناکافی فراہمی، بجلی کی بے ترتیب تقسیم، اور سڑکوں کی ابتر حالت جیسے مسائل کو خطوں کی مجموعی فلاح و بہبود اور ترقی کو متاثر کرنے والے سنگین مسائل کے طور پر اجاگر کیا گیا۔وہیںایم پی غلام علی کھٹانہ نے وفود کی طرف سے اٹھائے گئے مسائل کی سنگینی کو تسلیم کرتے ہوئے ان خدشات کو دور کرنے کے لیے اپنے عزم کا یقین دلایا۔ بی جے پی کے سینئر لیڈر نے وفود کو یقین دلایا کہ وہ راجوری، پونچھ، ڈوڈہ اور جموں سے مسائل کے ٹھوس حل کے لیے متعلقہ محکموں کے ساتھ سرگرم عمل رہیں گے۔ایم پی کھٹانہ نے کہاکہ میں راجوری، پونچھ، ڈوڈہ اور جموں کے باشندوں کو درپیش چیلنجوں کے بارے میں فکر مند ہوں۔انہوں نے کہاکہ پانی اور بجلی جیسی بنیادی سہولیات تک رسائی اور سڑکوں کی حالت بہبود اور ترقی کے لیے بنیادی حیثیت رکھتی ہے۔کھٹانہ نے کہاکہ میں ان علاقوں کے لوگوں کو یقین دلاتا ہوں کہ میں ان کے تحفظات متعلقہ محکموں کے ساتھ اٹھاؤں گا اور جامع حل تلاش کرنے کے لیے کام کروں گا۔بی جے پی کے سینئر لیڈر نے وفود پر زور دیا کہ وہ ان پٹ اور فیڈ بیک فراہم کرتے رہیں تاکہ مسائل کو مزید بہتر طریقے سے سمجھنے میں آسانی ہو۔
