اسکول انتظامیہ کی طرف سے حوصلہ افزائی
شیراز چوہدری
راجوری؍؍ قومی سطح پر لیے گئے نیٹ کے امتحان میں ضلع راجوری کی مسلم انسٹی چوٹ آف ایجوکیشن ہائر سکنڈری اسکول فتح پور کے سات طلباء نے کامیابی حاصل کی ہے ۔ اس موقع پر مسلم انسٹیٹیوٹ آف ایجوکیشن اسکول انتظامیہ کی طرف سے ان طلباء کی حوصلہ افزائی کے لیے ایک تقریب کا انعقاد کیا گیا۔ جس میں ان طلباء کے علاوہ ان کے والدین بھی موجود رہے۔ اس موقع پر اسکول انتظامیہ کی طرف سے ان بچوں کو ان کی اس کارکردگی پر اعزاز سے نوازا گیا لازوال کے ساتھ بات کرتے ہوئے نیٹ کے امتحان میں کامیابی حاصل کرنے والے ان طلباء نے کہا کہ ہماری اس کامیابی کے پیچھے سب سے بڑا ہاتھ مسلم انسٹی چوٹ آف ایجوکیشن کے ناظم ذاکر سر کا ہے۔ انہوں نے کہا کے اسکول میں ہمیں اچھی اور معیاری تعلیم کے ساتھ ساتھ بہترین ماحول بھی ملا جس کی وجہ سے ہم نے اس امتحان میں کامیابی حاصل کی ہے۔ ان طلبہ کے والدین نے کہا کے ہم سب سے پہلے اسکول انتظامیہ کا اور بالخصوص ذاکر سر کا شکریہ ادا کرتے ہیں جو اس ادارے کی شکل میں بچوں کو اچھی تعلیم دے رہے ہیں ۔والدین نے کہا کہ طلباء کی کامیابی کے پیچھے ان کے سکول کا بہت بڑا ہاتھ ہوتا ہے اگر بچے کو اسکول سے اچھی تربیت ملے گی تو وہ اچھے مقام تک پہنچے گا والدین نے کہا کہ ہیرے کی قیمت اس کے تراشنے کے بعد ہوتی ہے یہی کام مسلم انسٹی چوٹ آف ایجوکیشن کے ناظم کا ہے جو اپنے سکول کے طلباء کو تراش کر اس مقام تک پہنچاتے ہیں ۔اس موقع پر اسکول کے ناظم ذاکر چوہدری نے نیٹ کے امتحان میں کامیابی حاصل کرنے والے ان طلباء کو اور ان کے والدین کو مبارک دی اور ان کا شکریہ ادا کیا کہ وہ ایم آئی ای ہائر سیکنڈری سکول میں آئے اور کہا کہ بچوں کی اچھی کارکردگی سے ایم آئی ای کا سر فخر سے اونچا ہوتا ہے اور انہوں نے کہا میں اللہ سے دعا کرتا ہوں کہ یہ بچے اپنی زندگی کے مقصد میں اور کامیابی حاصل کریں اور ایم آئی ای ہائیر سکنڈری سکول فتح پور کی ہمیشہ یہی کوشش رہے گی کہ ہمارے سکول کے طلباء قومی سطح پر اسکول کا اور اپنے والدین کا نام روشن کریں۔
