ڈاکٹر دیپک پٹھانیہ نے خشک پتوں اور گائے کے گوبر سے کھاد تیار کرنے کے عمل پر روشنی ڈالی
لازوال ڈیسک
جموں؍؍گورنمنٹ ایس پی ایم آر کالج آف کامرس جموں کے ایکو کلب اور شعبہای وی ایسنے سالڈ ویسٹ مینجمنٹ کی جانب ایک اقدام کے طور پر کھاد کی تشکیل پر ایک روزہ ورکشاپ کا انعقاد کیا۔ وہیںورکشاپ کے دوران ڈاکٹر دیپک پٹھانیہ نے خشک پتوں اور گائے کے گوبر سے کھاد تیار کرنے کے عمل کا مظاہرہ کیا۔ اس عمل کے لیے سوکھے پتے کالج کے رضاکاروں نے کالج کے احاطے سے اکٹھے کیے تھے۔اس دوران پھر خشک پتوں کو گائے کے گوبر میں ملا کر پانی کے ساتھ چھڑک دیا گیا۔ پورے مرکب کو ترپال کی چادر سے ڈھانپ دیا گیا تھا۔ اس طرح تیار ہونے والی کھاد کالج کے کیمپس میں استعمال کی جائے گی۔وہیںکالج پرنسپل پروفیسر رنجیت سنگھ جموال نے کمیٹی ممبران اور رضاکاروں کی کاوشوں کو سراہا۔ انہوں نے طلباء کی حوصلہ افزائی کی کہ وہ اپنے گھروں میں بھی بائیو ڈیگریڈیبل کچرے سے کھاد تیار کرنے کی مشق پر عمل کریں۔اس موقع پر کالج نے سبزہ اور صاف ستھرا ماحول کے بارے میں بیداری پیدا کرنے کے لیے شجرکاری مہم کا بھی اہتمام کیا۔ تاہم صفائی کے لیے طلباء کی حوصلہ افزائی کرنے والے فیکلٹی ممبران میں پروفیسر ارچنا کول، ڈاکٹر سندھیا بھردواج، ڈاکٹر نازیہ رسول اور ڈاکٹر رومی رانی شامل تھیں۔ اس پورے پروگرام کا انتظام ایکو کلب کے ممبران ڈاکٹر جگمیت کور، پروفیسر فائزہ، ڈاکٹر سربجیت کور سودن اور ڈاکٹر انو شرما کی رہنمائی میں کیا گیا۔ تقریب کا اختتام ایکو کلب کے کنوینر ڈاکٹر دیپک پٹھانیہ کے شکریہ کے رسمی ووٹ کے ساتھ ہوا۔
