لازوال ڈیسک
جموں؍؍اُبھرتے ہوئے فن کاروں کو ایک پلیٹ فارم فراہم کرنے کے لئے مشن یوتھ جے اینڈ کے نے جموںوکشمیر یوٹی میں آنے والے مشہور فیسٹولوں کے لئے ایک میگا آڈیشن کا اہتمام کیا۔چیف ایگزیکٹیو مسن یوتھ ڈاکٹر شاہد اِقبال چودھری نے کہا کہ جموںوکشمیر کے اُبھرتے ہوئے فن کاروں سے آن لائن اِندراجات کو مد عو کیا گیا تھا اور شارٹ لسٹ فن کاروں کو آج جموںاور سری نگر میں براہِ راست پرفارمنس کے لئے بلا یا گیا۔فن کاروں نے مشن یوتھ کے بذریعہ سوشل میڈیا چینلوں اَپنی اِندراجات اِرسال کیں ۔آج کے آڈیشن کا نتیجہ جے کے یوتھ پورٹل پر 20؍ اَکتوبر 2021 ء کو اعلان کیا جائے گا۔سی اِی او مشن یوتھ نے کہا کہ اِس ٹیلنٹ شو نے ایسے تمام نوجوانوں کو ایک پلیٹ فارم مہیا کیا ہے تاکہ ان کے ٹیلنٹ کو صحیح طریقے سے پہچانا جاسکے اور دیگر نوجوانوں کو بھی حوصلہ ملے کہ وہ آگے آئیں اور اَپنی موسیقی صلاحیتوں کو پوری دُنیا میں دکھائیں۔قومی سطح کے فن کار آنے والے فیسٹولوں میں جموںوکشمیر کے مختلف علاقوں میں اَپنے فن کا مظاہرہ کریں گے اور مشن یوتھ کے منتخب کردہ نوجوان بھی ہفتے کے دوران منعقد ہونے والی مختلف تقریبات کا حصہ ہوں گے۔آڈیشن مشن یوتھ نے اٹیلس ایونٹ مینجمنٹ کے اِشتراک سے منعقدکیا ۔ فاتحین کو آنے والے آئیکونِک ویک فیسٹول کے دوران قومی سطح کے مشہور شخصیات کے ساتھ پرفارم کرنے کا موقعہ ملے گا ۔ فاتح کا گیت پروفیشنل سٹوڈیو میں ریکارڈ کیا جائے گاجبکہ فاتح کا پروفیشنل میوزک ویڈیو بھی ریکارڈ کیا جائے گا۔ نظامت کی کارروائی او ایس ڈی مشن یوتھ ڈاکٹر عبدالخبیر اور ڈاکٹر مرتضیٰ رشید نے بالترتیب جموں اورسری نگر میں انجام دی ۔ تمام شرکأ میں اَسناد بھی تقسیم کی گئیں۔مشن یوتھ ضلع سطح پر اِس طرح کے مزید مقابلوں اور جموں وکشمیر یوٹی میں کھیل سرگرمیوں کا اہتمام کرے گا۔
