ڈاکٹر نازیہ غنی و رخسانہ کوہلی مہمان خصوصی کے طور پر ہوئیں شامل
ماجد چوہدری
پونچھ؍؍ گورنمنٹ ڈگری کالج پونچھ کی این ایس ایس یونٹ نے ڈسٹرکٹ لیگل سروسز اتھارٹی اور انٹیگریٹڈ چائلڈ ڈویلپمنٹ سروس (آئی سی ڈی ایس) کے اشتراک سے عالمی یوم بنت بڑے جوش و خروش سے منایا۔ اس موضوع پر ایک سمپوزیم ” ڈاٹرس آف انڈیا پرائیڈ آف نیشن ” کا انعقاد بھی کیا گیا جس میں رخسانہ کوثر نے پہلی پوزیشن حاصل کی، جسیندر سنگھ نے دوسری پوزیشن اور آسیہ کوثر نے تیسری پوزیشن حاصل کی جہاں 10 طلباء کو تسلی بخش انعامات بھی ملے۔پروفیسر ایم ایچ شاہ پرنسپل جی ڈی سی پونچھ نے تقریب کی صدارت کی۔ ڈاکٹر نازیہ غنی اور رخسانہ کوثر ڈی ڈی سی ممبران مہمان خصوصی تھے۔ سیکریٹری لیگل سروسز اتھارٹی پونچھ وجاہت کاظمی ، آئی سی ڈی ایس آفیسر جہانگیر خان کے اے ایس اور سوشل ویلفیئر افسران شکیل احمد کے اے ایس ، شازیہ خان کے اے ایس ، محترمہ اْشا پوری پرنسپل سائیں سکول آف ایجوکیشن پونچھ ، پروفیسر خادم حسین کوآرڈینیٹر آئی کیو اے سی مہمان خصوصی تھے۔ اسپیکر نے لڑکیوں کی کوششوں کو سراہا اور لڑکیوں کو بااختیار بنانے کا عہد کیا۔ اس موقع پر پونچھ اضلاع کی تمام نمایاں لڑکیوں کو اعزاز دیا گیا۔ تائیکوانڈو کی لڑکیوں نے ضلع تائیکوانڈو کے صدر راجندر سنگھ کی نگرانی میں اسٹیج پر پرفارم کیا۔ تمام مہمانوں کو اعزاز سے نوازا گیا۔ پروفیسر فتح محمد عباسی این ایس ایس پروگرام آفیسر نے پروگرام کی کارروائی چلائی اور پروفیسر نصرت کوثر این ایس ایس پروگرام آفیسر نے استقبالیہ ایڈریس پیش کیا۔
