سول سوسائٹی ، نوجوانوں اور مدارس کے طلباء سے بات چیت کی
ریاض ملک
پونچھ ؍؍ ظفر سریش والا ، سابق چانسلر مولانا آزاد نیشنل اردو یونیورسٹی حیدرآباد اور ممتاز ماہر تعلیم نے پہلی بار پونچھ کا دورہ کیا۔اور پونچھ کی سیول سوسائٹی کے ساتھ بات چیت کی۔ انہوں نے ہنر کی ترقی پر ایک ورکشاپ کے انعقاد کے علاوہ مدرسہ کے طلباء کے ایک اجتماع سے بھی خطاب کیا۔انہوں بات کرتے ہوئے کہا کہ تعلیم ہی واحد ذریعہ ہے۔ جس کے ذریعے ہر مسئلے کو حل کیا جا سکتا ہے۔اور ایک مساوی معاشرہ تشکیل دیا جا سکتا ہے۔ وہ اپنے تجربے کو بھی حاضرین کے سامنے پیش کررہے تھے۔انہوں نے کہاکہ تعلیم وتربیت کی کامیابی سے ملک کے مختلف حصوں تک ترقی پہنچ رہی ہے۔اور طلبہ برادری اس سے بہت زیادہ فائدہ اٹھا رہی ہے۔ مدرسہ کے طلباء سے گفتگو کرتے ہوئے انہوں نے کہا کہ انہیں مختلف کالجوں اور یونیورسٹیوں میں بھی اپنی تعلیم جاری رکھنے کے مواقع تلاش کرنے چاہئیں ، انہوں نے یہ بھی کہا کہ جامعہ ضیاء العلوم پونچھ قابل تحسین کام کر رہا ہے۔ اور معیاری تعلیم دینے کے لیے سہولیات کی تعریف کی۔ انہوں نے اس سرحدی ضلع میں تعلیم کی فضا پیدا کرنے میں حضرت مولانا غلام قادر کے اہم کردار کو سراہا۔ سیول سوسائٹی کے ارکان کے درمیان بات کرتے ہوئے۔انہوں نے کہا کہ اس ادارہ اور اس کے کارکنان کا اقدام بے روزگار نوجوان ذہنوں کو ایک موقع فراہم کر رہا ہے۔ کہ وہ ایک کاروباری کے ذریعہ سے نوکری لینے والوں کی بجائے نوکریاں دیں۔ انہوں نے کہا کہ ، مواقع کی کوئی کمی نہیں ہے اور کسی کو مواقع سے فائدہ اٹھانے میں دلچسپی اور تجسس ہونا چاہیے۔ دورے کے موقع پر طالب علموں کے درمیان ہنر ورکشاپ کا بھی اہتمام کیا گیا۔ جس میں طلباء وطالبات کے ساتھ مختلف تراکیب بھی پیش کی گئیں تاکہ وہ آزادانہ طور پر اپنی روزی کما سکیں۔ اس ورکشاپ کا انتظام مہتمم آسیہ سریش والا نے کیا اور یہ ایک کامیاب ثابت ہوئی۔ آخر میں ، سریش والا نے جامعہ کے لیے نیک خواہشات کا اظہار کیا اور پونچھ کے دورے پر بہت اطمینان کا اظہار کیا۔انہوں نے مولانا سعید احمد حبیب کا بھی شکریہ ادا کیا کہ تمام تقریبات کو اس طرح شاندار طریقے سے منعقد کیا۔
