ممبئی //مشہور ومعروف اداکارہ اور مرحوم اداکار اور شہنشاہ جذبات کہے جانے مرحوم دلیپ کمار کی شریک حیات سائرہ بانو کی طبیعت ناساز ہو گئی ہےاور انہیں ممبئی کے ہندوجا اسپتال میں داخل کرایا گیا تھا جہاں آج انہیں آئی سی میں منتقل کیا گیا ہے،تین روز قبل ہائی بلڈ پریشر کی شکایت کے بعد اسپتال لایا گیا تھا۔ذرائع کے مطابق ایک طبی ٹیم ان کی خصوصی نگرانی کررہی ہے اور ماہر ڈاکٹروں کی مدد کی جارہی ہے۔
سائرہ بانو نے 1960اور 1970 کے عشرے میں ہندی فلموں میں اداکاری کے جوہر دکھائے اور وہ اپنی خوبصورتی اور نخرے اور تنک مزاج انداز کی وجہ سے پسند کی جاتی تھی۔ جنگلی ان کی شمی کپور کے ہمراہ پہلی فلم تھی، پڑوسن، پورب وپچھم، گوپی، بیراگ ، ضمیرجیسی مشہور فلمیں تھیں۔
