جی ڈی سی سرنکوٹ میں پوسٹر بنانے کامقابلہ منعقد
آکاش ملک
سرنکوٹ؍؍ جے کے ہائر ایجوکیشن ڈیپارٹمنٹ کی ہدایت اور جی ڈی سی سرنکوٹ کے شیڈول کے مطابق این ایس ایس یونٹ اور ای بی ایس بی کلب کی جانب سے جی ڈی سی سرنکوٹ نے ‘قومی ہیروز’ کے موضوع پر ایک پوسٹر بنانے کی تقریب کا انعقاد کیا۔ اس مذکورہ مقابلہ میں ڈاکٹر پرویز حسین صدر شعبہ، معاشیات، پروفیسر عافیہ زمان اسسٹنٹ پروفیسر انگریزی اور پروفیسر ریاض صدر شعبہ ریاضی نے ججز کے فرائض انجام دیے۔ سہرش مشتاق ملک بی ایس سی سمسٹر چہارم نے پہلی پوزیشن حاصل کی۔ مسکان ہمدانی اور ثمینہ کوثر نے بالترتیب دوسری اور تیسری پوزیشن حاصل کی۔ اس پروگرام کو پروفیسر خلیق احمد این ایس ایس پروگرام آفیسر اور کوآرڈینیٹر ای بی ایس بی کلب، جی ڈی سی سرنکوٹ نے منعقد کروایا۔ کالج کے پرنسپل ڈاکٹر جسبیر سنگھ کی مجموعی نگرانی میں یہ مذکورہ مقابلہ منعقد ہوا۔دوران پروگرام تمام کوویڈ – 19 ہدایات اور ایس او پیز پر عمل کیا گیا۔
