ڈھاکہ // بنگلہ دیش کے اسٹار آل راؤنڈر ثاقب الحسن نے اپریل میں سری لنکا کے خلاف دو ٹیسٹ میچوں کی سیریز سے باہر ہونے کا فیصلہ کیا ہے تاکہ وہ آئی پی ایل 2021 کے پورے سیزن کے لئے دستیاب ہوں حالانکہ وہ فٹنس ٹیسٹ کے بعد تین میچوں کی ون ڈے سیریز میں دستیاب ہوسکتے ہیں۔
اس کی تصدیق بنگلہ دیش کرکٹ بورڈ (بی سی بی) کرکٹ آپریشنز کے چیئرمین اکرم خان نے کی ہے۔ انہوں نے بتایا کہ "بورڈ نے ثاقب کو آئی پی ایل میں کھیلنے کے لئے فارغ کردیا ہے۔” ثاقب نے حال ہی میں ہمیں ایک خط لکھا تھا جس میں انہیں سری لنکا کے خلاف ٹیسٹ سیریز سے نکلنے کے بارے میں بتایا تھا کیونکہ وہ آئی پی ایل میں حصہ لینا چاہتے ہیں۔ ہم نے انہیں اجازت اس لئے دی ہے کہ کسی ایسے کھلاڑی پر اصرار کرنے کی کوئی وجہ نہیں ہے جو ٹیسٹ کھیلنے کو تیار نہیں ہے۔
یہ ثاقب کی دوسری بین الاقوامی سیریز ہوگی جس میں وہ شامل نہیں ہوں گے۔ اس سے قبل ثاقب کو فروری مارچ میں نیوزی لینڈ کے وائٹ بال دورے سے باہر ہونے کے لئے پیٹرنیٹی رخصت دی گئی تھی۔
