کوروناسے بچائو کاویکسین ،عام شہریوں میں طرح طرح کے خدشات
لازوال ڈیسک
نیویارک؍؍عالمی ادارہ صحت (ڈبلیو ایچ او) کی چیف سائنسدان سومیا سوامی ناتھن نے دنیا بھر کی حکومتوں اور صحت سے متعلق حکام سے درخواست کی ہے کہ وہ شہریوں کو کوڈ 19 ویکسین کے بارے میں زیادہ سے زیادہ آگاہ کریں۔سوامی ناتھن نے کہا ’’دنیا بھر کی حکومتیں اور صحت عامہ کے عہدیداروں کو اپنے ملکوں کے شہریوں پر ویکسین لگانے کے عمل کی وضاحت کے لئے اقدامات کرنا شروع کریں کیونکہ معاملات تیزی سے چل رہے ہیں اور لوگوں کے دلوں میں خدشات بڑھتے جارہے ہیں‘‘۔انہوں نے اسبات پرزوردیاکہ کووڈ19 کے حوالہ سے بہت سارے حقیقی سوالات ہیں جن کے جوابات لوگوں کو دینے کی ضرورت ہے۔موجودہ ڈبلیو ایچ او کی فہرست میں کووڈ 19 سے متعلق 48 ویکسین ہیں۔ کچھ ویکسین تیار کرنے والوں نے ویکسین کے فیز III ٹرائلز کے عبوری نتائج جاری کرنا شروع کردیئے ہیں۔ روس کے اسپوتنک وی ، امریکہ کے فائزر / بائیوٹیک اور موڈیرنا نے ابتدائی اعداد و شمار جاری کیے ہیں جن کے مطابق یہ ویکسین کورونا سے90 فیصد بچاؤ کرتی ہے۔
