632نئے مثبت معاملات سامنے آئے ،مزید1,386افرادشفایاب
لازوال ڈیسک
جموں؍؍حکومت نے کہا ہے کہ پچھلے چوبیس گھنٹوں کے دوران کورونا وائرس کے632نئے مثبت معاملات سامنے آئے ہیںجن میں سے286کا تعلق کشمیر صوبے سے اور 346کا تعلق جموں صوبے سے ہیں اور اِس طرح مثبت معاملات کی کل تعداد79,738تک پہنچ گئی ہے۔اِسی مدت کے دوران دو نوں صوبوں سے تعلق رکھنے والے10کووِڈ مریض بھی فوت ہو گئے ہیں جس میں صوبہ جموں کے 05اور صوبہ کشمیر کے 05شامل ہیں۔حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ نوول کورونا وائرس کے79,738معاملات سامنے آئے ہیں جن میں سے14,696سرگرم معاملات ہیں ۔ اَب تک63,790اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد1,252تک پہنچ گئی ،جن میں سے 865کا تعلق کشمیر صوبہ سے اور387کاتعلق جموں صوبہ سے ہیں۔اِس دوران آج مزید1,386افرادشفایاب ہوئے ہیںجن میںجموں صوبے کے936اَفراداور کشمیر صوبے کے 450 اَفرادشامل ہیں۔بلیٹن میں مزید کہا گیا ہے کہ اَب تک 17,23,337ٹیسٹوں کے نتائج دستیاب ہوئے ہیں جن میں سے 05؍اکتوبر 2020 ئ ء کی شام تک 16,43,599نمونوں کی رِپورٹ منفی پائی گئی ہے ۔علاوہ ازیں اَب تک5,95,172افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں23,880اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔14,696 اَفراد کوآئیسولیشن میں رکھا گیا ہے جبکہ47,263اَفراد کو گھروں میں نگرانی میں رکھا گیا ہے۔اِسی طرح بلیٹن کے مطاب5,08,081اَفرادنے 28روزہ نگرانی مدت پوری کی ہے۔
