اعجاز احمد ڈاکٹر آف فلاسفی کی سند سے سرفراز
بابر نفیس
ڈوڈہ؍؍اگر بھلیسہ کی بات کی جائے تو پورے جموں و کشمیر کا پچھڑاہوا علاقہ مانا جاتا ہے۔لیکن تعلیمی میدان کی بات کی جائے تو بھلیسہ کے نوجوانوں کی کارکردگی سے بھلیسہ کا عام آدمی بھی سر اْٹھا کا جی رہا ہے۔حال ہی میں بھلیسہ کے سب ڈویژن گندو تحصیل چلی پنگل کے دو دراز علاقہ چلی مکسیاس سے تعلق رکھنے والے اعجاز احمد ولد لیاقت علی کو جموں یونیورسٹی کی طرف سے ڈاکٹر آف فلاسفی (پی ایچ ڈی)کی ڈگری سے نوازا گیا۔انہوں نے پروفیسر شہاب عنایت ملک صدر شعبہ اردو اور ڈین فیکلٹی آف آرٹس یونیورسٹی آف جموں کی نگرانی میں اپنا تحقیقی مقالہ جدید اردو غزل میں ناصر کاظمی کی انفرادیت "تحقیقی و تنقیدی مقالہ”تحریر کیا۔ان کے اس اعزاز پر بھلیسہ کے کئی سماجی و سیاسی شخصیات نے ان کو مبارکباد بھی پیش کی۔
