یواین آئی
نئی دہلی؍؍عالمی وبا کووڈ۔19 کے چیلنج سے نمٹنے کے لئے وسائل اکٹھے کرنے کے لئے قائم پی ایم کیئرس فنڈ کو اس کی تشکیل کے پہلے پانچ دنوں میں 3076 کروڑ روپے کی رقم موصول ہوئی تھی۔کورونا وائرس کے چیلنج سے نمٹنے کے لئے یہ فنڈ اس سال 27 مارچ کو 2.25 لاکھ روپے کی ابتدائی رقم سے تشکیل دی گئی تھی۔ ختم مالی سال سے محض پانچ دن پہلے تشکیل فنڈ کی 2019..20 کے آڈٹ کے مطابق اس فنڈ میں لوگوں نے 31 مارچ 2020 تک 3,075.8 کروڑ روپے کا تعاون دیا۔پی ایم کیئرس فنڈ کی جانکاری اس کی ویب سائٹ پر اپلوڈ کی گئی ہے ۔ آڈٹ رپورٹ میں حالانکہ یہ خلاصہ نہیں کیا گیا کہ کس شخص نے کتنی رقم دی ہے ۔رپورٹ کے مطابق فنڈ میں 31 مارچ تک 39.6 لاکھ روپے کا غیر ملکی چندہ بھی آیا تھا۔ یہی نہیں پہلے پانچ دنوں میں گھریلو چندہ سے 35.3 لاکھ روپے اور غیر ملکی چندہ سے 575 روپے کا سود بھی فنڈ کو ملا۔ اس طرح غیر ملکی چندہ پر سروس ٹیکس کی ادائیگی کے بعد پی ایم کیئرس فنڈ میں مجموعی طور سے 3,076.6 کروڑ روپے موصول ہوئے ۔فنڈ کا آڈٹ ایس اے آر سی اینڈ ایسوسی ایٹ چارٹرڈ اکاؤنٹینسی نے کیا ہے اور اس پر پی ایم او کے چارافسران نے دستخط بھی کئے ہیں۔ یہ افسر ہیں سکریٹری شری کر کے پردیش، ڈپٹی سکریٹری ہارڈک شاہ، اپرسکریٹری پردیپ کمار شری واستو، ڈپارٹمنٹل آفیسر پرویش کمار ہیں۔
