یواین آئی
نئی دہلی؍؍سپریم کورٹ نے کورونا وبا سے لڑرہے فرنٹ لائن کے صحت عملہ کو وقت پر تنخواہ نہ دینے کی شکایتوں کے معاملہ میں سماعت پیر کو ایک ہفتہ کے لئے ٹال دی۔اس درمیان مرکز نے حلف نامہ دائر کرکے کہاکہ کورونا سے متاثرہ ہونے کی وجہ سے کورینٹائن کئے گئے صحت عملہ کو کو رینٹائن مدت میں بھی ڈیوٹی پر سمجھا جانا چاہئے اور انہیں تنخواہ دی جانی چاہئے۔جج اشوک بھوشن، جج آر سبھاش ریڈی اور جج ایم آر شاہ پر مشتمل بنچ ڈاکٹر آروشی جین معاملہ میں دائر یونائیٹڈ ریزیڈنٹس ایسوسی ایشن کی مداخلت کی عرضی پر سماعت کررہی تھی۔سمات کے دوران تریپورہ حکومت نے دعوی کیا کہ اس نے کورینٹائن کئے گئے صحت عملہ کو بھی ان کی پوری تنخواہ دی ہے۔ اس کے بعد عدالت نے ایک ہفتہ کے لئے سماعت ٹال دی۔تریپورہ کا جواب مرکز کی 31جولائی کو دی گئی اس معلومات کے بعد آج آیا جس میں سالیسٹر جنرل تشار مہتہ نے کہا تھا کہ دہلی، پنجاب، تریپورہ، کرناٹک او ر مہاراشٹر میں نے کورونا مجاہدین صحت عملہ کو وقت پر ادائیگی نہیں کی ہے۔اس درمیان مرکز نے ایسے صحت عملہ کو وقت پر تنخواہ کی ادائیگی میں پریشانیوں پر گزشتہ ہفتہ ایک حلف نامہ دائر کرکے کہا ہے کہ صحت عملہ کی کورینٹائن کی مدت ان کی ڈیوٹی کا ہی حصہ سمجھا جائے۔
