جموں، 23 اپریل (یو این آئی) جموں و کشمیر کے ضلع رام بن کے ماروگ علاقے میں قومی شاہراہ پر بدھ کی شام دیر گئے ایک سڑک حادثے میں دو مسافر از جان جبکہ ایک زخمی ہوا۔
ذرائع نے بتایا کہ رام بن کے ماروگ علاقے میں سری نگر- جموں قومی شاہراہ پر بدھ کی شام دیر گئے ایک ٹاٹا موبائل گاڑی سڑک سے لڑک کر قریب تین سو فٹ گہری کھائی میں گر گئی جس کے نتیجے میں گاڑی میں سوار دو افراد کی موت جبکہ ایک زخمی ہوا۔
مہلوکین کی شناخت فریاد احمد ولد منظور احمد اور منصور احمد ولد مشکور احمد ساکنان کنفر چندر کوٹ کے بطور ہوئی ہے جبکہ زخمی کی شناخت نسیم احمد ولد مقصود احمد ساکن کنفر چندر کوٹ کے بطور ہوئی ہے۔
