نیویارک، 13 اپریل (یواین آئی) امریکہ میں کورونا وائرس سے مرنےے والوں کی تعداد 22 ہزار کے پار پہنچ گئی ہے۔
جان ہاپکنز یونیورسٹی کی رپورٹ کے مطابق امریکہ کا نیو یارک اس جان لیوا وائرس سے سب سے زیادہ متاثر ہوا ہے۔ یہاں پراب تک اس سے 6898 افراد کی موت ہو چکی ہے۔
یونیورسٹی کے اعداد و شمار کے مطابق اب تک امریکہ میں 28.06 لاکھ لوگوں کی کورونا وائرس کی جانچ کی جا چکی ہے، جس میں 4.62 ملین افراد کی جانچ صرف نیویارک میں کی گئی ہے۔ امریکہ میں اب تک 32988 لوگ کورونا وائرس کے انفیکشن سے ٹھیک ہوئے ہیں۔
عالمی وبا كووڈ -19 کی وجہ سے امریکہ میں سب سے زیادہ( 22020 ) افراد کی موت ہوئی ہے جبکہ اٹلی میں 19899 اور سپین میں 17209 لوگوں نے جانیں گنوائی ہیں۔وہیں فرانس میں کوروناوائرس سے 14000 افراد کی موت ہوئی ہے، اور 1.34 لاکھ لوگ اس سے متاثر ہوئے ہیں۔ اس کے علاوہ برطانیہ میں کورونا وائرس سے 657 اورافراد کی موت کے بعد یہاں مرنے والوں کی تعداد بڑھ کر 10612 ہو گئی ہے۔
عالمی وبا کورونا وائرس سے دنیا بھر میں اب تک 11.42 لاکھ افراد کی موت ہوچکی ہے، جبکہ 18.49 لاکھ لوگ اس سے متاثر ہوئے ہیں
