پرتھ، 25 فروری (یو این آئی ) بنگلہ دیش کے خلاف آئی سی سی خاتون ٹی -20 ورلڈ کپ کے دوسرے مقابلے میں ملی 18 رن کی فتح کے بعد ہندستانی خاتون ٹیم کی تیز گیند باز شکھا پانڈے نے کہا ہے کہ ٹیم کے کھلاڑی بے خوف ہوکر جارحانہ کھیل کا مظاہرہ کر رہے ہیں جس کا ٹیم کو فائدہ مل رہا ہے ۔ہندستانی ٹیم کی 16 سال کی نوجوان اوپنر شیفالي ورما نے بنگلہ دیش کے خلاف 17 گیندوں میں 39 رن کی آتشی اننگ کھیلی تھی جس کی بدولت ہندستان نے بنگلہ دیش کو عالمی کپ کے دوسرے ٹی -20 میچ میں شکست دی اور ٹورنامنٹ میں مسلسل دوسری جیت درج کی۔ شیفالي کے علاوہ 19 سالہ جیمما راڈرگس نے بھی بہترین کھیل کا مظاہرہ کرتے ہوئے 37 گیندوں میں 34 رن بنائے تھے ۔شکھا نے کہاکہ ہم نے شیفالي کو ان کے جارحانہ انداز میں کوئی تبدیلی کرنے کے لئے نہیں کہا گیا ہے ۔ انہوں نے بے خوف ہوکر اپنے حساب سے بلے بازی کی۔ مجھے ایسی نوجوان بلے باز کے ٹیم میں ہونے سے انتہائی خوشی ہے ۔ یہ دیکھنا انتہائی خوشگوار ہے کہ ایسے نوجوان کھلاڑی ٹیم کے لئے بہت کچھ کر رہے ہیں۔تیز گیند باز نے کہاکہ نوجوان کھلاڑیوں پر کسی طرح کا کوئی دباؤ نہیں ہے اور یہ ایک اہم چیز ہے ۔ ہمیں لگا تھا کہ ہم نے اسکور بورڈ پر لڑنے کے قابل اسکور کھڑا کیا ہے اور ہمیں اپنی بولنگ شعبہ پر پورا بھروسہ تھا۔ ہمیں پتہ تھا کہ یہ ہدف حاصل کرنا بنگلہ دیش کے لئے آسان نہیں ہو گا۔یو این آئی
