لاتورمیں ایک روزہ سیمینار میں ڈاکٹر محمود صدیقی،توصیف پرویز سمیت اشفاق عمر کے ناموں کو قطیعت
محمدمسلم کبیر
لاتور؍؍حکومت ہند،وزارت حقوق انسانی وسائل کے تحت قومی کونسل برائے فروغ اردو زبان اور مہاراشٹر اردو ساہتیہ پریشد لاتور کے اشتراک سے لاتور میں ایک روزہ ریاستی تعلیمی سیمینار بعنوان "مراٹھواڑہ کے اردومدارس کا معیار،مسائل و حل”کا انعقاد کیا گیا ہے.مہاراشٹر اردو ساہتیہ پریشدکے جنرل سیکریٹری ڈاکٹرخلیل صدیقی کے بموجب 26/ فروری 2020 کو لاتورکے بھالچندر بلڈ بنک نزد بس اسٹانڈ،کے تمام عصری آلات سے مزئین وسیع وعریض ہال میں اس سیمینار کا اہتمام کیا گیا ہے. جس میں مولانا آزاد نیشنل اردو یونیورسٹی حیدرآباد کے شعبہ تعلیمات کے پروفیسرڈاکٹر محمدمحمودصدیقی کا کلیدی خطبہ ہوگا. اشفاق عمرمالیگاؤں،ودیا پرادھیکرن (شعبہ اردو) پونا کے توصیف پرویز اور ڈاکٹر قاضی رضوان الدین پربھنی بحیثیت مہمانان خصوصی شرکت کریں گے.اس سیمینار میں ڈاکٹرمقبول احمد مقبول اودگیر،ڈاکٹر نورالامین پربھنی ،پرنسپال صدیقی عرفان سعداللہ بیڑ،ملک نظامی نانڈیڑ،ڈاکٹر محمد عبدالرافع نانڈیڑ،ڈاکٹر تبسم سلطانہ عثمان آباد،ڈاکٹر منیب حنفی پربھنی،صدیقی سیف انجنئیر اورنگ آباد،سید نصرت قادری لاتور، شیخ غلام حسین ہنگولی،محمد فیاض جالنہ، سراج آرزو بیڑ،اپنے مقالے پیش کریں گے.اس ضمن میں لاتورضلع اردو ساہتیہ پریشد کے صدر محمدمسلم کبیر نے کہا کہ اس سیمینار میں مقالہ نگار اور شرکاء سے کسی قسم کی رجسٹریشن فیس نہیں لی جائیگی جبکہ مقالہ نگار حضرات و تمام شرکاء کو اٹنیڈنس سرٹفیکیٹ کے ساتھ قومی کونسل کی جانب سے اعزازی سند تفویض کی جائیگی.رجسٹریشن کا وقت صبح 9 تا 10 بجے کے دوران ہوگا.جبکہ ٹھیک دس بجے سیمینار کا افتتاح و باضابطہ پہلے سیشن کا آغاز ہوگا.یہ سیمینار تین سیشن پر مشتمل ہوگا. مہاراشٹرراجیہ الپسنکھیانک شکشک سنگھٹنا کے صدر لئیق پٹیل،ریاستی مشیر موہن ہاکے، مہاراشٹر راجیہ اردو شکشک سنگھٹنا(ہائی اسکول) کے صدر سید نصرت قادری،پرائمری سیکشن کے صدر فضل قاضی،لاتورضلع الپسنکھیانک اسکول ہیڈماسٹرس سنگھٹناکے رضاء اللہ خان ،پرنسپال ریاض صدیقی، الپسنکھیانک شکشک سنگھٹنا کے ضلع صدر یونس نورسے،نعیم خان پٹھان،محمد شریف ہنورے،ساتذہ تنظیم کے شیخ عبدالوحید، آئٹا لاتورکیسید عبدالواجد،شیخ انعام الحسن، ہفت روزہ مسلم وکاس پریشد کے مدیرشیخ عبدالصمد،اوصاف کے نائب مدیر سید ریاض، اردوساہتیہ پریشد کے اوسہ تعلقہ صدر میر مدثرعلی قاضی نیاس سیمینار میں ضلع کے تمام اردو اداروں کے ذمہ دار،اساتذہ اور محبان اردو سے شرکت کی خواہش کی ہے.
