ریاض ملک
منڈی؍؍ضلع بھر کے ساتھ ساتھ منڈی میں بھی مہا شیوراتری کا تہوار بڑے دھوم دھام سے منایا گیا جس میں ضلع پونچھ منڈی مہنڈر ادھمپور جموں سے بڑی تعداد میں یاتریوں نے آکر یہاں بڈھاامرناتھ میں حاضری دی اور پوجاپاتھ کیاگیا۔جہاں آج صبح سے ہی یاتریوں کی آمدورفت کا سلسلہ جاری رہا ہے۔ اس موقع پر کئی یاتریوں نے مہاشیوراتری کے تہوار کے موقع پر جموں وکشمیر کے ساتھ ساتھ ملک بھر کے لوگوں کو مبارک باد پیش کرتے ہوئے یہ کہا کہ یہ تہوار تمام مذاہب کے ماننے والوں کو آپس میں پیار و محبت اور آپسی مذہبی رواداری کو برقرار رکھنے کا درس دیتے ہیں ۔انہوں نے کہا منڈی میں جہاں ہر سال یہاں ہر تہوار میں بلاتفریق مذہب و ملت ہندو مسلم سکھ عیسائی ایک دوسرے کے تہواروں میں شامل ہوتے ہیں ۔اسی راویت کو برقرار رکھتے ہوئے اس بار بھی تمام مذاہب کے ماننے والوں نے یہاں مہاشیوراتری کے تہوار میں شرکت کی ۔ا نہوں نے دعا کی کی امید ہے کہ یہ تہوار پورے ملک اور جموں وکشمیر میں امن وامان کا باعث بنے مندر کمیٹی کی جانب سے بھی تمام ملک بھر کے ہندئوں کے ساتھ ساتھ مختلف مذاہب کے ماننے والوں کو مبارک باد پیش کی ہے۔
