نمائندہ لازوال
ڈوڈہ؍؍ ڈسٹرکٹ ڈویلپمنٹ کمیشنر ، ڈوڈہ ڈاکٹر ساگر ڈی ڈایفوڈ نے سب ڈویڑن ٹھاٹھری اور گندوہ کے 30 کسانوں پر مشتمل ایک گروپ کو ایس کے اے یو ایس ٹی جموں کے ایک تربیت پر روانہ کیا۔ اس موقع پر چیف ایگریکلچر آفیسر ڈوڈہ شاہد اقبال ، لیڈ ڈسٹرکٹ منیجر سی ایم بھٹ ، سب ڈویزنل ایگریکلچر آفیسر ٹھاٹھری ہارون حسین اور محکمہ زراعت کے دیگر افسران موجود تھے۔ اس دورے کا اہتمام محکمہ زراعت سب ڈویزن ٹھاٹھری نے ایم آئی ڈی ایچ اسکیم کے تحت کیا ہے۔ اس موقع پر ڈی ڈی سی ڈوڈہ نے کاشتکاروں سے بات چیت کرتے ہوئے کہا کہ اس دورے کا اہتمام انہیں جدید تکنیک سے واقف کرنے کے لئے کیا گیا ہے۔ انہوں نے کسانوں پر زور دیا کہ وہ ایس کے اے یو ایس ٹی جموں کے سائنس دانوں اور ماہرین سے آزادانہ گفتگو کریں تاکہ وہ اس دورے سے زیادہ سے زیادہ فائدہ حاصل کرسکیں۔
