بابری مسجد کے لئے اجودھیا کے دھانی پور گاؤں میں زمین کا انتخاب
لازوال ڈیسک
لکھنؤ؍؍اترپردیش حکومت کے ترجمان و وزیر توانائی سری کانت شرما نے بدھ کو بتایا کہ لکھنؤ۔اجوھیا ہائی وے پر سوہاول تحصیل کے تحت ھانی پور گاؤں میں بامسجد کی تعمیر کے لئے حکومت کی جانب سے 5ایکڑ زمین کا انتخاب کیا گیا ہے ۔کابینی میٹنگ کے بعد مسٹر شرما نے میڈیانمائندوں سے کہا کہ مسجد کی تعمیر کے لئے منتخب کی گئی زمین روہنی پولیس اسٹیشن کے نزدیک ہے جو کہ روڈ کنکٹیویٹی کے اعتبار سے بھی کافی اچھی جگہ ہے ۔منتخب جگہ ضلع ہیڈکوارٹر سے صرف 18کلو میٹر دور ہے ۔وزیر نے کہا کہ اب مرکز اس منتخب زمین کی تجویز کو سپریم کورٹ کے پاس منظوری کے لئے بھیجے گا۔یوپی حکومت نے مسجد کی تعمیر کے لئے 5ایکڑ زمین کا انتخاب سپریم کورٹ کی ہدایت تحت کیا ہے ۔گذشتہ 9 نومبر کو سپریم کورٹ نے بابری مسجد ۔رام مندر متنازع اراضی ملکیت معاملے میں اپنا فیصلہ سناتے ہوئے متنازع زمین پر رام مندر کی تعمیر اور مسجد کی تعمیر کے لئے اجودھیا میں ہی کسی نمایاں مقام پر 5ایکڑ زمین فراہم کرنے کا فیصلہ سنایا تھا۔ذرائع کے مطابق حکومت کی جانب سے مسجد کی تعمیر کے لئے منتخب کی گئی زمین 14کوسی پریکرما سے باہر ہے اور اجودھیا۔بارہ بنکی کے سرحد کے قریب ہے ۔متنازع زمین کے علاوہ کسی دوسرے مقام پرمسجد کے لئے زمین لینے کے معاملے میں مسلم فریقین میں اختلاف ہے ۔کچھ زمین لینے کے حق میں ہیں تو کچھ زمین لینے سے منع کردینے کے حق میں ہیں۔
