دھمتری؍؍چھتیس گڑھ کے ضلع دھمتری کے اکلاڈونگری تھانہ علاقے میں واقع گنگریل باندھ میں کشتی کی سواری کے دوران ایک کشتی پلٹنے دو بچیوں کی ڈوبنے سے موت ہوگئی اور ایک دیگر لاپتہ ہے ،جس کی تلاش کی جارہی ہے ۔اس واقعہ میں دو خواتین کو صحیح سلامت بچا لیاگیاہے ۔پولیس ذرائع کے مطابق کانکیر اور نارائن پور ضلع کے کچھ لوگ چاراما میلا دیکھنے آئے تھے ۔وہاں سے سب اپنے رشتہ دار کے یہاں نیا کولیاری پہنچے ۔جہاں سے انہوں نے جہاز رانی کے دوران منصوبہ بنایا۔کل شام خواتین،بچے سمیت 10لوگ سوار ہوکر کشتی کی سواری سے لطف اندوز ہورہے تھے ۔اسی دوران تیز ہواؤں کے چلنے اور کشتی میں پانی بھرنے سے کشتی پلٹ گئی۔حادثے میں سمترا ناگ(16)اور نیویدیتا کانگے (03)کی ڈوبنے سے موت ہوگئی جبکہ پانچ سال کی لکشمی منڈاوی لاپتہ ہے ،جس کی تلاش کی جارہی ہے ۔وہیں میرابائی منڈاوی اور درگیشوری کانگے کو ڈوبنے سے بچالیاگیا ہے ۔دونوں زخمیوں کو علاج کے لئے چاراما اسپتال میں داخل کرایاگیاہے ۔دونوں ملاح اور دیگر لوگ کسی طرح بچ کر باہر آگئے ۔آج بچاؤ ٹیم کے ذریعہ بچی کی لاش تلاش کی جارہی ہے ۔
