پٹنہ؍؍بہار میں دار الحکومت پٹنہ کے کنکڑ باغ تھانہ علاقہ میں جنتافلیٹ کے نزدیک بدمعاشوں نے آج دن دہاڑے ٹی پی ایس کالج کے ایک پروفیسر کاگولی مار کر قتل کر دیا ۔پولیس ذرائع نے یہاں بتایاکہ ٹی پی ایس کالج کے پروفیسر شیو نارائن رام (55) جارہے تھے تبھی جنتا فلیٹ کے نزدیک بدمعاشوں نے انہیں گولی مار کر زخمی کر دیا ۔ زخمی پروفیسر کو پٹنہ میڈیکل کالج اسپتال میں داخل کرایا گیا جہاں علاج کے دوران ان کی موت ہوگئی ۔ذرائع نے بتایاکہ قتل کی وجوہات کا فی الحال پتہ نہیں چل سکا ہے ۔ پولیس موقع پر پہنچ کر معاملے کی تفتیش کر رہی ہے ۔
