ماجد چوہدری
پونچھ؍؍ مرکزی زیر انتظام جموں و کشمیر کے سرحدی ضلع پونچھ کی تحصیل حویلی کے بلاک پونچھ کے کنوئیاں زون میں جیتندر سنگھ کو بطورِ انچارج زیڈ پی ای او تعینات ہونے پر ریاستی ترجمان رہبر کھیل ایسوسیشن جموں و کشمیر پرویز ملک آفریدی نے اپنے ساتھیوں کے ہمراہ انہیں مبارکباد پیش کرتے ہوئے انکی عزت افزائی کی اور پھولوں کا گلدستہ پیش کر اور شال اوڑھ کر انکا استقبال کیا۔اس موقع پر محکمہ فزیکل ایجوکیشن کے باقی ملازمین نے بھی انکا استقبال کرتے ہوئے انہیں بطور انچارج زیڈ پی ای او تعینات ہونے پر مبارکباد پیش کی۔پرویز ملک آفریدی نے کہا کہ جیتندر سنگھ ٹنڈن نے اپنی پچھلی پوسٹنگز میں محکمہ فزیکل ایجوکیشن میں انتہائی دیانتداری و ایمانداری کے ساتھ بہترین خدمات انجام دی ہیں اور اب ہم امید کرتے ہیں کہ وہ اس عہدے پر بھی بہترین خدمات انجام دیکر اس محکمہ کے قد کو اور اونچا کریں گے۔اس کے علاوہ امن شرما ، سید طلعت وسیم ، چوہدری عمران وغیرہ رہبر کھیل اساتذہ نے بھی انہیں پھولوں کے گلدستے اور شال پیش کر انکا استقبال کیا اور انہیں مبارکباد پیش کی۔
