ووٹ بٹورنے کیلئے سیاسی جماعتیں کِسی بھی حدتک جاسکتی ہیں،عوامی جذبات کااستحصال کرنے سے بازنہیں آتیں،اِسی طرح صوبہ جموں کی اکثریتی آبادی کواپناووٹ بنک بنانے میں مرکز میں برسراقتدار بھاجپانے بھی کوئی کسرنہ چھوڑی اور2008امرناتھ زمینی تنازعے سے اْٹھے طوفان کی بدولت جموں میں اپنادبدبہ بنایا،اپناسیاسی دائرہ وسیع کیا، اوریہ سلسلہ ایسے ہی حساس معاملات کے دم پرآگے بڑھتاگیا، قومی سطح پروزیراعظم نریندرمودی اور وزیرداخلہ امت شاہ نے سیاسی فائدہ لینے کی غرض سے جموں وکشمیرسے متعلق تاریخی فیصلے لئے لیکن افسوسناک مقام یہ ہے کہ جموں وکشمیرکی بھاجپاقیادت جموں کے عوام سے کئے اپنے وعدے وفاکرنے میں دلچسپی نہیں رکھتی بلکہ وہ قومی قیادت کے نام سے ہی اپناکام چلاناچاہتے ہیں لیکن ایسے کام چلنے والانہیں، اہلیانِ جموں بھاجپاکاخوب احتساب کریں گے، جموں ایک تازہ سروے میں شرمساراوربھاجپابے نقاب ہوئی ہے جو جموں میونسپل کارپوریشن پربرسراقتدار ہے،جموں میونسپل کارپوریشن (جے ایم سی) کے میئر چندر موہن گپتا کے دعوئوں کے باوجود ، صاف سرویکشن۔2020 کے نتائج نے بی جے پی کے لئے ایک شرمناک صورتحال پیدا کردی ہے ، کیونکہ جموں کو ملک کے سب سے گندے شہروں میں سے ایک قرار دیا گیا ہے!2019 میں اس کے پچھلے 260 ویں درجے سے ، جموں تازہ ترین سروے میں 318 ویں پوزیشن پر آ گیا ہے ، جس کا نتیجہ 31 دسمبر 2019 کو سامنے آیاہے،جے ایم سی میں بی جے پی کو اکثریت حاصل ہے ، اس لئے حزب اختلاف نے حملہ شروع کردیا ہے۔ جموں کے نام پہ یہ داغ وزیر اعظم کے ’’ صاف بھارت مہم‘‘ کے نفاذ میں ‘زعفرانی بریگیڈ’کی ناکامی ہے۔دلچسپ بات یہ ہے کہ میئر چندر موہن شرما نے دعویٰ کیا کہ یہ سروے ان کے دور سے پہلے کیا گیا تھا ، جبکہ بی جے پی کی زیرقیادت کارپوریشن اکتوبر 2018 میں تشکیل دی گئی تھی اور یہ سروے 2019 کے آخری تین ماہ میں کیا گیا تھا!!میئر نے دعویٰ کیا ، "اگلے سروے میں جموں ملک کے پہلے 10 صاف شہروں میں شامل ہو گا،ان کادعویٰ ہے کہ جموں کو صاف کرنے کے لئے ایک جامع مہم پہلے ہی شروع کردی گئی ہے۔جموں ، جو بی جے پی کی سیاست کا مرکز ہے ، اِسے ایک انتہائی گندہ شہر قرار دیا گیا ، جس نے پارٹی رہنمائوں کے شہری اداروں کو چلانے کی صلاحیت پر سوال اٹھایا ہے۔پچھلے پانچ سالوں سے ، بی جے پی بار بار یہ دعویٰ کر رہی ہے کہ جموں کو جلد ہی’اسمارٹ سٹی‘قرار دے دیا جائے گا ، کیونکہ وہ اس کے معیار کو پورا کرتا ہے! ممکنہ طور پر سروے کا نتیجہ بی جے پی کے لئے رسوائی کاباعث ہے، کیوں کہ کئی دہائیوں سے ہی بھگوا پارٹی اس سیاسی خطے سے فائدہ اٹھانے کے لئی لئے اس خطے کے ساتھ امتیازی سلوک کے معاملے کو اٹھا رہی ہے۔ پچھلے ایک سال سے بی جے پی جے ایم سی چلا رہی ہے اور سروے کے نتائج نے ان الزامات کی توثیق کی ہے کہ پارٹی کی قیادت لوگوں کی توقعات پر پورا اترنے میں ناکام رہی ہے۔مرکزی وزارت شہری ترقی نے ملک میں مختلف شہروں کی صفائی سرویکشن۔2020 کے تحت اعلان کرنے کے لئے جامع معیارات کو اپنایا ہے ، جس کا مقصد بنیادی طور پر شہروں اور قصبوں کو ا?زادانہ غلاظت سے پاک بنانے اور ٹھوس فضلہ کی پروسیسنگ سے اس میں بہتری لانا ہے۔میئرموصوف کواب زبانی جمع خرچی سے گریزکرتے ہوئے حقائق کوتسلیم کرناہوگااور زمین پرعملی اقدامات اْٹھاناہونگے تاکہ جموں شہرسے گندگی کااور مندروں کے شہرسے ماتھے پرگندگی کے داغ کاصفایاہوسکے۔
