یہ لاچار لوگ ایک دکھی اور مشکل زندگی گزار رہے ہیں،حکومت توجہ دے:شمشیرہکلاپونچھی
لازوال ڈیسک
پونچھ؍؍حکام کی طرف سے بنیادی سہولتوں سے محروم خانہ بدوش گوجروں بکروالوں کی حالت زار پر شدید تشویش کا اظہار کرتے ہیں ممتاز گجر لیڈر اور دانشور شمشیر ہکلہ پونچھی نے خانہ بدوش گجربکروال طبقہ کو تمام بنیادی سہولیات فراہم کرنے کے لئے حکومت پر زور دیا۔آج یہاں جاری ایک بیان میں ، انہوں نے کہا کہ یہ لاچار لوگ ایک دکھی اور مشکل زندگی گزار رہے ہیں۔ہکلہ نے کہا کہ گوجر باکر وال ریاست میں ملک کی سرحدوں کی حفاظت کر رہے ہیں اور اس نے ملک کی تقسیم سے ہی اس سلسلے میں ایک قابل ذکر کردار ادا کیا ہے۔ انہوں نے کہا کہ ان لوگوں کے مسائل تاہم گذشتہ برسوں میں مزید پیچیدہ ہوگئے ہیں کیوں کہ پے درپے حکومت ان کی دیکھ بھال کرنے میں ناکام رہی ہے۔ شمشیر پونچھی نے ایل جی سے کرنے اور مزید گوجری زبان کو بھارتی آئین کے آٹھویں شیڈول میں شامل کرنے کی مانگ کی تاکہ گوجری زبان کی ترقی اور پھیلاؤ کو یقینی بنایا جاسکے گا۔ شمشیر ہکلہ پونچی نے مزید کہا کہ گوجری زبان جموں و کشمیر کے گوجروں اور بکروالوں کی ایک بہت بڑی تعداد میں بولی جارہی ہے جس کی تعداد چونتیس لاکھ سے زیادہ ہے جو کسی بھی طرح نظرانداز نہیں کی جاسکتی ہے اور ان کی واحد مادری زبان گوجری ہے۔ انہوں نے کہا ، جموں و کشمیر کے گوجر اوربکروال کی اتنی بڑی آبادی کے مطالبے کو مدنظر رکھتے ہوئے ، ہندوستان کے آئین کے 8 ویں شیڈول میں گوجری زبان کو شامل کرنا ، انتہائی حقیقی اور جواز ہے۔
