یواین آئی
نئی دہلی؍؍کشمیر کے گلمرگ میں پہلے گلمرگ ماؤنٹین فیسٹیول کا افتتاحی ورڑن 13 سے 16 فروری 2020 تک منعقد کیا جائے گا۔یہ فیسٹیول کریزیمیڈ ڈاگز نامی تنظیم کی جانب سے ہندستان میں بڑے پیمانے پر منعقد کیا جانے والا اسپورٹس فیسٹیول ہوگا۔ اس فیسٹیول میں مہم جوئی، اسپورٹس اور موج مستی کا امتزاج ہو گا۔ اس سے ملکی اور بین الاقوامی سطح پر ماحولیات کے موافق سیاحت کو فروغ ملے گا۔ اس فیسٹیول میں کئی مہم جویانہ کھیل جیسے اسنو کار ریس، ہیلی اسکئینگ ، اسکئینگ ، اسنو بورڈنگ، ہاٹ ائیر بیلون رائیڈ ، اسنو رننگ ، اسنو بائیکنگ اور اسنو سائیکلنگ شامل رہیں گے۔ اس کے علاوہ اسنو گولف اور اسنو کرکٹ اس کے خاص کھیل ہوں گے۔ونٹر گیمز فیڈریشن آف انڈیا کے نائب صدر اور حکومت ہند میں سیاحت کی وزارت کے مشیر کرنل جی ایس ڈھلوں نے پیر کو یہ جانکاری دیتے ہوئے کہاکہ مجھے پورا یقین ہے کہ جوش جذبہ اور مزہ سے پر یہ فیسٹیول کشمیر کو پھر گلوبل ایڈونچر اسپورٹس اور شاندار ٹورسٹ ڈیسٹی نیشن کے پلیٹ فارم پر پہنچائے گا۔ کشمیر کے لوگ دنیا کے سب سے بہترین میزبان میں سے ایک ہیں۔ ہم گلمرگ فیسٹیول میں سب کا استقبال کرنے میں واقعی بہت خوشی محسوس کریں گے ، جو جلد ہی ایک سالانہ گلوبل ایوینٹ بن جائے گا۔
