کٹھمنڈو، (یو این آئی ) شام رنگناتھن اور رتن بالا دیوی کے دو دو گولوں کی مدد سے گزشتہ چمپئن ہندستانی خاتون فٹ بال ٹیم نے زبردست مظاہرہ کرتے ہوئے 13 ویں جنوبی ایشیائی کھیلوں کے فٹ بال مقابلے میں سری لنکا کو جمعرات کو 6-0 سے ہرا دیا۔ پوکھرا اسٹیڈیم میں کھیلے گئے میچ میں ہندستانی ٹیم کی شاندار جیت میں ڈاگمئي گریس نے ساتویں، شام نے 10 ویں اور 25 ویں، رتنبالا دیوی نے 18 ویں اور 88 ویں منٹ میں اور بالا دیوی نے میچ کے انجري ٹائم میں گول کیے ۔ ہندستانی ٹیم نے اس سے قبل اپنے پہلے میچ میں مالدیپ کو 5-0 سے شکست دی تھی۔ مالدیپ کے خلاف بالا دیوی نے 25 ویں اور 33 ویں منٹ میں دو گول داغے جبکہ ڈاگمئي گریس ، منیشا اور جبمني ٹڈو نے ایک ایک گول کیا
