یو این آئی
پیلی بھیت//اترپردیش میں پیلی بھیت ضلع کے گجرولا علاقے میں تیز رفتار کار کے پلٹنے سے شادی کی تقریب سے لوٹ رہے کار میں سوار تین بچوں سمیت پانچ افراد کی موت ہوگئی جبکہ اتنے ہی افراد زخمی ہوگئے ۔ پولیس ترجمان نے جمعہ کو یہاں یہ اطلاع دی۔انہوں نے بتایا کہ جمعرات کو پیلی بھیت کے پورنپور علاقے کے سدھیر کالونی کے رہنے والے اشونی اپادھیائے اور مت کشیپ اپنے اپنے کنبے کے لوگوں کے ک ساتھ ایک شادی کی تقریب میں گئے تھے ۔رات تقریباً ساڑھے 12بجے شادی سے واپس لوٹتے وقت ان کی کار گجرولا علاقے میں پپریا نیودیا گاؤں کے نزدیک سڑک کے کنارے آندھی میں ٹوٹے پل سے ٹکراکر پلٹ گئی۔ انہوں نے بتایا کہ حادثے میں 32سالہ اشونی اپادھیائے ،ان کی 12سالہ بیٹی نونی اورآٹھ سال کے بیٹے لو کے علاوہ 30سالہ امت کشیپ اور اس کے سات سالہ بیٹے گولو کی موت ہوگئی۔حادثے میں تین خواتین اور دو بچوں سمیت پانچ افراد زخمی ہوگئے ۔سبھی زخمیوں کو اسپتال میں داخل کرایاگیا ہے ۔ ترجمان نے بتایا کہ گجرولا تھانہ انچارج نریش کشیپ اپنی پولیس کی گاڑی پر گشت رہے تھے اور انہوں نے کار پلٹی ہوئی دیکھی۔فوراً موقع پر پہنچے اور زخمیوں کو اسپتال پہنچایا۔زخمیوں کی حالت بہتر ہے ۔انہوں نے بتایا کہ جمعرات کی شام ضلع میں آندھی اور بارش کے دوران پرانا پیڑ اکھڑکر سڑک کے کنارے گرگیاتھا۔کار کے تیز رفتار ہونے کی وجہ سے یہ حادثہ ہوا۔
