یو این آئی
نئی دہلی’// دہلی کے وزیر اعلی اروند کیجریوال نے آج ‘وزیر اعلی لائرس ویلفیئر’ اسکیم پر عمل درآمد کیلئے تیرہ رکنی کمیٹی تشکیل دینے کا اعلان کیا۔ اس اسکیم کے لئے 50کروڑ روپے مختص کئے گئے ہیں۔مسٹر کیجریوال نے اس اسکیم کااعلان چند ماہ قبل کیا تھا۔انہوں نے کہا کہ اس بجٹ کو کیسے اور کہا ں خرچ کیا جائے اس کے متعلق وکیلوں سے مشورے حاصل کئے جائیں گے ۔وزیر اعلی نے کہا کہ دہلی حکومت وکیلوں کی بہبود کے لئے پچاس کروڑ روپے د ے رہی ہے ۔ اس کام کو انجام دینے کے لئے تیرہ وکیلوں کی ایک کمیٹی تشکیل دی گئی ہے ۔ کمیٹی یہ یقینی بنائے گی کہ پچاس کروڑ روپے کیسے اور کہاں خرچ کئے جائیں۔ سپریم کورٹ بار کونسل کے چیئرمین راکیش کمار کھنہ اس کمیٹی کے صدر ہوں گے ۔بار کونسل آف انڈیا کے چیئرمین کے سی متل اس کمیٹی کے رکن ہوں گے ۔ بارکونسل آف دہلی ہائی کورٹ کے چیئرمین موہت ہاتھر اور وکیل راہل میلرا’ راجیش کوشک’ آر کے وادھوا’ این سی گپتا’ ہیمنت مہتا’ پرمود ناگر’ راکیش چاہر’ کمل مہتا اور امیتابھ چترویدی بھی اس کمیٹی کے رکن بنائے گئے ہیں۔ مسٹر کیجریوال نے کہا کہ دہلی کو عام آدمی پارٹی حکومت ملک کی ایسی پہلی حکومت ہے جس نے وکیلوں کے بہبود کے لئے اتنی بڑی رقم منظور کی ہے ۔
