کولگام//کولگام ضلع میں بھی بیک ٹو ولیج پروگرام شد و مد سے عملایا جارہا ہے او رآج پانچویں دِن یہ پروگرام ضلع کی 59 پنچایتوں میں شروع ہوا۔ پروگرام کے تحت ضلع کے مختلف علاقوں میں گرام سبھائوں کا انعقاد کیا گیا اور افسروں نے 59 پنچایتوں میں لوگوں کی ترقیاتی ضروریات کا جائزہ لیا ۔انہوں نے کئی ترقیاتی کاموں کا بھی معائینہ کیا۔ افسروں نے کئی پروجیکٹوں کا بھی افتتاح کیا۔ انڈر سیکرٹری اطلاعات و رابطہ عامہ منوج کمار جو ہانجن بیہی باغ کے دورہ کرنے والے افسر ہے نے کئی سرکاری اثاثوں کا دورہ کر کے ان کے کام کاج کے بارے میں جانکاری حاصل کی۔
