نئی دہلی، (یواین آئی) سلامی بلے باز شکھر دھون کی جگہ نوجوان کھلاڑی سنجو سیمسن کو 6 دسمبر سے ویسٹ انڈیز کے خلاف تین ٹوئنٹی 20 میچوں کی سیریز کے لیے ہندوستانی ٹیم میں شامل کیا گیا ہے ۔
بنگلہ دیش کے خلاف بھی سنجو کو ٹی -20 ٹیم میں جگہ ملی تھی لیکن انہیں ایک بھی میچ میں کھیلنے کا موقع نہیں مل سکا تھا۔ اگرچہ سلامی بلے باز شکھر دھون کی چوٹ کے بعد انہیں ویسٹ انڈیز سیریز کے لیے ٹیم میں جگہ ملی گئی ہے ۔دھون کو گذشتہ ہفتے گھریلو ٹی -20 ٹورنامنٹ سید مشتاق علی ٹرافی کے مہاراشٹر اور دہلی کے میچ کے دوران بائیں پاؤں میں چوٹ لگ گئی تھی اور ہندوستانی کرکٹ کنٹرول بورڈ (بی سی سی آئی) کی طبی ٹیم کے مطابق دھون کے گھٹنے پر سنگین چوٹ لگی ہے
