حیدرآباد، (یواین آئی)اقامتی اسکول کی ایک طالبہ ہاسٹل میں مردہ پائی گئی۔یہ واقعہ تلنگانہ کے وقار آباد ضلع کے دھرور گاوں میں ہفتہ کی صبح کی اولین ساعتوں میں پیش آیا۔دھرور گاوں سے تعلق رکھنے والی نویں جماعت کی طالبہ گائیری کے طورپر اس کی شناخت کی گئی ہے ۔اس کو اس کی دادی نے ماں کی موت کے بعد اقامتی اسکول میں داخل کروایاتھا۔اس لڑکی کی سہیلیوں نے کمرہ کا دروازہ کھٹکھٹایا تاہم اس نے کوئی جواب نہیں دیا۔اس کو صبح جگانے کے لئے دروازہ کھٹکھٹیایاجارہا تھا۔لڑکیوں نے اس بات کی شکایت وارڈن سے کی۔بعدازاں کسی طرح دروازہ کھولتے ہوئے لڑکی کو استپال منتقل کیاگیا تاہم ڈاکٹرس نے اس کو مردہ قرار دیا۔پولیس نے لاش کو پوسٹ مارٹم کے لئے وقار آباد کے اسپتال منتقل کیا اور اس سلسلہ میں ایک معاملہ درج کرکے اس انتہائی اقدام کی وجہ معلوم کرنے کی کوشش کررہی ہے ۔
