ممبئی (یواین آ ئی) اردو کے مشہور شاعر کیفی اعظمی کی بیوہ اور اداکارہ شبانہ اعظمی کی والدہ، مشہور مصنفہ اور ہدایت کارشوکت کیفی جمعہ کی شام انتقال کر گئیں۔وہ شوکت آپا کے نام سے معروف تھیں۔انہوں نے گرم ہوا اور امراؤ۔جان جیسی فلموں میں اداکاری کی تھی۔ شوکت کیفی ایک بہترین اداکارہ اور اور مصنفہ بھی تھیں،انہوں نے بے شمار ڈراموں کے ساتھ ساتھ امراؤجان سمیت کئی اہم فلموں میں اداکاری کے جوہربھی دکھائے ،شوکت کیفی کی یاداشتوں پر مشتمل کتاب ٰ یاد کی رہگزر، اردو ہندی سمیت دنیا کی متعدد زبانوں میں شائع ہو چکی ہے ۔ بے ساختہ پن ان کی تحریر کی خصوصیت ہے ۔ان کی اداکاری بڑی فطری اور دل پذیر ہوا کرتی تھی۔شوکت آپا ایک عرصہ سے علیل تھیں اور انہوں نے اپنے گھر پر زبانی اعظمی کی موجودگی میں آخری سانس لی۔ ذرائع کے مطابق ان کی آخری رسومات ممبئی میں ادا کی جائیں گی۔امکان ہے کہ انہیں شمال مغربی ممبئی کے اندھیری چار بنگلہ قبرستان میں تدفین عمل میں آئے گی،جہاں کیفی اعظمی کی قبر ہے ۔ان کا تعلق حیدرآباد سے تھا۔
