نئی دہلی،19نومبر(یو این آئی) کانگریس کی عبوری صدر سونیا گاندھی، سابق صدر جمہوریہ پرنب مکھرجی، سابق نائب صدر جمہوریہ حامد انصاری ، سابق وزیر اعظم منموہن سنگھ اور کانگریس کے سابق صد ر راہل گاندھی نے سابق وزیراعظم ’آئرن لیڈی‘ اندراگاندھی کو ان کی 102 ویں سالگرہ کےپر موقع خراج عقیدت پیش کیا۔
محترمہ گاندھی کے ساتھ ان تمام اہم ہستیوں نے صبح اندرا گاندھی کی سمادھی ’شکتی استھل‘ جاکر انھیں خراج عقیدت پیش کیا۔ اس موقع پر بڑی تعداد میں وہاں موجود کانگریس کے کارکنان نے بھی سابق وزیراعظم کو خراج عقیدت پیش کیا۔
بعد ازاں راہل گاندھی نے سابق وزیر اعظم کی یاد میں ٹویٹ کیا،’ طاقتور، مستحکم قیادت اور عدیم المثال انتظامی صلاحیت کی حامل ہندوستان کو ایک طاقتور ملک کے طور پر قائم کرنے میں اہم کردار اداکرنے والیں ’آئرن لیڈی‘ اور میری پیاری دادی اندرا جی کی جینتی پر انھیں دل و جان سے خراج عقیدت‘۔
غورطلب ہے کہ محترمہ گاندھی کی منگل کے روز 112 ویں سالگرہ ہے۔’آئیرن لیڈی‘محترمہ گاندھی کی پیدائش اترپردیش کے ضلع الہ آباد (پریاگ راج) میں 19 نومبر 1917 کو ہوئی تھی ۔ انھیں ملک کے سب سے بڑے شہری اعزاز’بھارت رتن‘ اور عالمی اعزاز لینن نیس ایوارڈ‘ سے بھی نوازا جا چکا ہے۔
