(اسپوتنك) بولیویا میں جاری احتجاج کے درمیان ملک کے صدر اگو مورالس اور نائب صدر الوارو گارسیا لنیرا نے اپنے عہدے سے استعفی دے دیا۔
صدر مورالس نے فوج کے کمانڈر ولیم کلیما کے اصرار پر تشدد کے درمیان استعفی دینے کا اعلان کیا۔
استعفی دینے کے بعد مسٹر مورالس نے کہا کہ ’’میں اپنی جنگ جاری رکھوں گا لیکن مجھ پر امن قائم رکھنے کی بھی ذمہ داری ہے۔ یہ دیکھ کر دکھ ہوتا ہے کہ یہاں کے لوگ ایک دوسرے سے لڑ رہے ہیں، مجھے یہ دیکھ کر کافی رنج ہوا کہ انتخابات میں ہار نے والے لیڈر، شہریوں میں بدامنی اور تشدد پھیلا رہے ہیں۔ اس وجہ سے اور مختلف اسباب کی بنا پر میں نے اپنے عہدے سے استعفی دے رہا ہوں اور اپنا استعفی نامہ کثیر القومی اسمبلی میں بھیج رہا ہوں‘‘۔
مسٹر سیالنیرا نے صحافیوں سے کہاکہ ’’میں نے نائب صدر کے عہدے اور کثیر القومی اسمبلی کے صدر کے عہدے سے استعفی دینے کا فیصلہ کیا ہے۔ نائب صدر نے مزید کہا کہ وہ باضابطہ طور پر اسمبلی کو جلد ہی اپنا استعفی سونپ دیں گے‘‘۔
قابل ذکر ہے کہ بولیویا کے صدر مورالس کے انتخابات میں دوسری بار فتح حاصل کرنے کے بعد 20 اکتوبر سے وہاں احتجاجی مظاہرے ہو رہے تھے۔ بولیویا کی اپوزیشن پارٹی نے انتخابی نتائج میں دھاندلی کا الزام لگاتے ہوئے اسے تسلیم کرنے سے انکار کر دیا تھا۔
