یواین آئی
بھونیشور؍؍ہندوستان کی مرد و عورت ہاکی ٹیموں نے ہفتہ کو یہاں کلنگا اسٹیڈیم میں بالترتیب روس اور امریکہ کو شکست دے کر 2020 کے ٹوکیو اولمپک کے لئے کوالیفائی کر لیا۔ہندوستانی خاتون ٹیم نے کپتان رانی رامپال کے چوتھے کوارٹر میں فیصلہ کن گول کی بدولت امریکہ کو کل 6۔5 کے اسکور سے شکست دے کر تیسری بار اولمپک کے لئے کوالیفائی کر لیا جبکہ مرد ٹیم نے روس کو 11۔3 سے شکست دیکر اولمپک کا ٹکٹ حاصل کیا ۔ہندوستانی خاتون ٹیم نے اولمپک کوالیفائرس کے پہلے میچ میں جمعہ کے روز امریکہ کو 5۔1 سے شکست دی تھی لیکن دوسرے میچ میں امریکہ نے 4۔1 سے کامیابی حاصل کی۔ ہندوستان کا دونوں میچوں میں مجموعی اسکور چھ گول رہا جبکہ امریکہ کا پانچ گول۔ ہندوستان نے اس طرح کل 6۔5 کے اسکور سے کوالیفائر جیت لیا۔دنیا کی پانچویں نمبر کی ہندوستانی مرد ٹیم نے 22 ویں نمبر روس کو پہلے میچ میں 4۔2 سے شکست دی تھی جبکہ دوسرے میچ میں اس نے روس کو 7۔1 کے بڑے فرق سے ہرایا تھا۔ مرد ٹیم نے 21 ویں بار اولمپک کے لئے کوالیفائی کیا۔ ہندوستان صرف 2008 کے بیجنگ اولمپکس میں نہیں کھیل پایا تھا۔کوالیفائر کی شکل کے مطابق اولمپکس کوالیفائرس میں میچ میں جیتنے پر تین پوائنٹس اور ڈرا رہنے پر ایک پوائنٹس حاصل ہوتا ہے ۔ ہندوستان اور امریکہ کے برابر 3۔3 پوائنٹس رہے ۔ اس کے بعد گول اوسط دیکھا گیا جس میں ہندوستان ایک گول سے آگے رہاہندوستان اور روس کے مقابلے میں ہندوستان نے دونوں میچ جیتے اور اس کا گول اوسط 11۔3 رہا۔خاتون مقابلے میں ہندوستان کی سانسیں اس وقت تھم گئی تھیں جب امریکہ نے 4۔0 کی برتری حاصل کرلی تھی اور کل اسکور 5۔5 سے برابر ہو چکا تھا۔ رانی رامپال نے آخری کوارٹر شروع ہونے کے فورا بعد میدانی گول داغا اور ہندوستان کے لئے یہ گول آخر میں فیصلہ کن ثابت ہوا۔ ہندوستانی خاتون ٹیم اس طرح تیسری بار اولمپک کھیلنے اترے گی۔ خواتین ٹیم اس سے پہلے 1980 کے ماسکو اور 2016 کے ریو اولمپکس میں کھیلی تھی۔رانی رامپال کی قیادت میں نویں رینکنگ والی خاتون ٹیم نے 13 ویں نمبر کی ٹیم امریکہ کو پہلے میچ میں جس طرح 5۔1 سے شکست دی تھی اس سے لگ رہا تھا کہ اسے یہ کوالیفائنگ جیتنے میں پریشانی نہیں ہوگی لیکن امریکی ٹیم دوسرے میچ میں میزبان کے پیشانی پسینہ لے آئی۔ہندوستانی خاتون ٹیم کا آخری بار امریکہ سے مقابلہ 2018 کے خواتین ورلڈ کپ میں ہوا تھا جہاں ہندوستان نے 1۔1 کا ڈرا کھیلا تھا۔ لیکن کوالیفائرس کے دوسرے میچ میں ہندوستان کی سانسیں جیسے تھم سی گئی تھیں۔آمانڈا مگدان نے پانچویں، کیتھلین شارکي نے 14 ویں، ایلسا پارکر نے 20 ویں اور آمانڈا نے 28 ویں منٹ میں گول کرکے امریکہ کو 4۔0 سے آگے کر دیا۔ اس وقت مجموعی اسکور 5۔5 ہو چکا تھا اور ایسا لگ رہا تھا کہ اسکور برابر رہنے پر مقابلہ شوٹ آؤٹ میں جا سکتا ہے لیکن چوتھا کوارٹر شروع ہوتے ہی رانی نے کرشمہ دکھایا اور 48 ویں منٹ میں میدانی گول داغ دیا۔ہندوستان نے پھر امریکہ کو کوئی اور گول کرنے نہیں دیا۔ اگرچہ آخری منٹ میں میچ مشکل ہو چکا تھا۔ 57 ویں منٹ میں امریکہ کا پنالٹی کارنر کے لئے ریفرل مسترد ہو گیا جبکہ اس کے فورا بعد امریکہ کو پنالٹی کارنر ملا تو ہندوستان نے ریفرل مانگا اور امریکہ کو دیا گیا پنالٹی کارنر کا فیصلہ بدلا گیا۔ہندوستان نے راحت کی سانس لی۔ آخر میں اسکور 4۔1 رہا اور ہندوستانی ٹیم کو ایک گول کے فرق سے اولمپک کا ٹکٹ مل گیا۔ریکارڈ آٹھ بار کے چیمپئن ہندوستان کو کل پہلے مقابلے میں روس نے کچھ چیلنج دیا تھا لیکن آج دوسرے میچ میں ہندوستان کی طاقت کے آگے روس کی ٹیم بے بس ہو گئی۔ ہندوستان نے من مانے انداز میں گول کرکے گھریلو پرستاروں کو خوش کردیا۔روس نے اگرچہ پہلے ہی منٹ میں گول کر کے ہندوستان کو چونکا دیا لیکن اس کے بعد اس نے پہلے منٹ میں گول کھانے کا اپنا سارا غصہ روس پر نکال دیا۔ الیکسی سوبولیوسکي نے پہلے منٹ میں میدانی گول کیا۔پہلے کوارٹر میں پچھڑنے بعد ہندوستان نے دوسرے کوارٹر میں 17 ویں منٹ میں جاکر برابری حاصل کی جس سے ہندوستانی شائقین نے راحت کی سانس لی کہ کوئی انہونی نہیں ہونے جا رہی ہے ۔ اس کے بعد تو گول ہوتے رہے اور ہندوستان کے حامی تالیاں بجاتے رہے ۔للت اپادھیائے نے 17 ویں منٹ میں ہندوستان کو برابری دلا یی جبکہ اکاش دیپ سنگھ نے 27 ویں اور 29 ویں منٹ میں گول کرکے ہندوستان کو آدھے وقت تک 3۔1 سے آگے کر دیا۔ نیل کانت شرما نے 47 ویں منٹ میں چوتھا، روپندر پال سنگھ نے 48 ویں منٹ میں پانچواں اور 59 ویں منٹ میں چھٹا اور امت روھی داس نے 60 ویں منٹ میں ساتواں گول کرکے ہندوستان کو اولمپک کا ٹکٹ دلا دیا۔
