تمیم ہندستانی دورے سے ہٹے

یواین آئی
ڈھاکہ؍؍ سلامی بلے باز تمیم اقبال نے ہندستان کے آئندہ دورے کے لیے بنگلہ دیش کرکٹ ٹیم سے اپنا نام واپس لے لیا ہے ، سلیکٹرز نے ان کی جگہ امرالقیس کو ٹیم میں شامل کیا ہے ۔تمیم نے پہلے ہی بنگلہ دیش کرکٹ بورڈ کو ہندوستان کے دورے میں تمام میچوں کے لیے دستیاب رہنے پر معذوری ظاہر کی تھی۔ ان کی بیوی حاملہ ہیں اور اس ماہ کے آخر تک اپنے دوسرے بچے کی پیدائش کی وجہ سے انہوں نے ہندستان کے خلاف سریز سے باہر رہنے کا فیصلہ کیا ہے ۔ اگرچہ یہ صاف نہیں ہے کہ ان کی جگہ لینے والے امرالقیس سیریز کے دو ٹیسٹ میچوں کے لیے کھیلنے اتریں گے یا نہیں۔بنگلہ دیش اور ہندستان کے درمیان 3 سے 26 نومبر تک چلنے والے دورے میں تین ٹوئنٹی 20 اور دو ٹیسٹ کھیلے جائیں گے ۔ تمیم گزشتہ کچھ وقت سے زخمی بھی ہیں، لیکن انہیں ٹی -20 ٹیم میں شامل کر لیا گیا تھا۔ انہوں نے بی سی بی کو بتایا تھا کہ وہ کولکتہ میں 22 نومبر کو ہونے والے دوسرے ٹیسٹ سے ہٹ سکتے ہیں تاکہ اپنی بیوی کے ساتھ رہ سکیں۔چیف سلیکٹر منھاج العابدین نے کہاکہ تمیم نے ہمیں اطلاع دی تھی کہ وہ کولکتہ میں دوسرے ٹیسٹ سے ہٹ سکتے ہیں تاکہ بیوی کے ساتھ رہ سکیں۔ لیکن اب وہ پورے وقت اپنی بیوی کے ساتھ رہنا چاہتے ہیں اس لئے انہوں نے دورے سے ہٹنے کا فیصلہ کیا ہے ۔تمیم اس سے پہلے افغانستان کے خلاف گھریلو ٹسٹ سیریز اور زمبابوے کے ساتھ سہ رخی ٹوئنٹی 20 سریز سے بھی باہر رہے ہیں۔ جولائی میں سری لنکا کے بنگلہ دیش کے دورے کے بعد سے ہی وہ کرکٹ سے بریک پر چل رہے ہیں اور یہ ان کی تیسری سریز ہے جس سے انہوں نے باہر رہنے کا فیصلہ کیا ہے ۔ انہوں نے اسی ماہ چٹگام ڈویژن کی جانب سے فرسٹ کلاس کرکٹ میں واپسی کی تھی۔تمیم بنگلہ دیش کے دوسرے کرکٹر ہیں جو ہندستان کے دورے سے باہر ہو گئے ہیں۔ اس سے پہلے پیٹھ کی چوٹ کی وجہ محمد سیف الدین بھی دورے سے باہر ہو چکے ہیں۔ آل راؤنڈر کے متبادل کے طور پر ابھی تک بورڈ نے کسی کے نام کا اعلان نہیں کیا ہے ۔