تنویر پونچھی
پونچھ؍؍؍رضا العلوم اسلامیہ ہائیر سیکنڈری اسکول پونچھ میں آج ضلع کے ٹائکوانڈو کھلاڑیوں کی حوصلہ افزائی کے لیے ایک پروگرام منعقد کیا گیا جس میں پریم پرکاش لتھرا نائب صدر تائیکوانڈو ایسوسی ایشن نے بطور مہمان خصوصی شرکت کی جبکہ نردوش کمار و راجندر سنگھ مہمان اعزازی کے طور پر موجود رہے اور پرینکا سنگھ سکریٹری پی ڈی ٹی اے کے علاوہ عاشق حسین جنرل سیکرٹری پی ڈی ٹی اے بھی بطور مہمان موجود رہے۔ پروگرام کا آغاز محمد عبدال بخاری کوآرڈینیٹر یس انڈیا فاؤنڈیشن کے خطبہ استقبالیہ کے ساتھ ہوا اور اس کے بعد چیف گیسٹ پریم پرکاش نے کھلاڑیوں میں انعامات کی تقسیم کاری کی اور انہیں مبارکباد پیش کی۔ انہوں نے اپنے خطبے میں نوجوانوں کو منشیات سے دور ہو کر کھیل کود کے ساتھ جڑنے کی صلاح دی اور کہا کہ کھیل کود کے ذریعے ہی منشیات جیسی وبائو سے چھٹکارا پایا جا سکتا ہیجن دیگر اہم شخصیات نے اس موقع پر شرکت کی ان میں نسار پرنسپل رضا العلوم محمد عبدالالرحمن کوآرڈینیٹر یس انڈیا فاؤنڈیشن انجم مہتاب فیزیکل انسٹرکٹر جامعہ رضا العلوم ہائیر سیکنڈری اسکول قابل ذکر ہیں۔
