بنگلور؍؍ کپتان پارتھیو پٹیل (76 رنز) اور پریانک پانچال (80 رن) کی نصف سنچری اننگز اور چنتن گاجا اور ارجان ناگاسولا کی زبردست گیند بازی کی بدولت گجرات نے دہلی کو اتوار کو یہاں وجے ہزارے ٹرافی کے دوسرے کوارٹر فائنل میچ میں اپنے آل راؤنڈ کھیل سے وي جے ڈي طریقہ سے چھ وکٹ سے ہرا دیا۔ستاروں سے آراستہ دہلی نے پہلے بیٹنگ کرتے ہوئے 49 اوور میں 223 رن بنائے ۔ اس کے جواب میں گجرات نے وي جے ڈي طریقہ سے ہوئے میچ میں 49 اوور میں 225 رن کے ہدف کے جواب میں 37.5 اوور میں چار وکٹ پر 225 رن بنا کر سیمی فائنل کا ٹکٹ کٹا لیا۔دہلی کا آغاز خراب رہا اور ہندستانی اوپنر شکھر دھون صفر پر آؤٹ ہو گئے جبکہ انوج راوت 11 رن پر گاجا کا شکار بنے ۔ کپتان دھرو شوری نے 109 گیندوں پر سات چوکے اور دو چھکے لگا کر 91 رنز کی واحد بڑی اننگز کھیل کر دہلی کو لڑنے کے قابل پوزیشن میں پہنچایا۔ ٹیم کے دیگرا سٹار کھلاڑیوں میں پون نیگی 4 رنز، نتیش رانا 33 رنز بنا کر آؤٹ ہوئے ۔ گجرات کی جانب سے گاجا نے 10 اوور میں 27 رن دے کر تین وکٹ اور ارجان نے 75 رن دے کر تین وکٹ نکالے ۔دہلی کی بلے بازی کے بعد بولنگ بھی خراب رہی اور گجرات کے دونوں اوپنروں پارتھیو اور پریانک نے پہلے وکٹ کے لئے 150 رن جوڑ ڈالے ۔ منن نے پارتھیو کو ہمت سنگھ کے ہاتھوں کیچ کرایا جبکہ پانچال کو سمرنجیت سنگھ نے نیگی کے ہاتھوں کیچ کیا۔ بھارگو کو سمرنجیت نے ایل بی ڈبلیو کر تیسرا جبکہ نیگی نے من پریت جنیجا کو بولڈ کر گجرات کا چوتھا وکٹ نکالا۔ راوت 34 رن اور پٹیل 13 رنز بنا کر ناٹ آؤٹ لوٹے ۔
