یواین آئی
سرینگرحریت کانفرنس (گ) چیئرمین سیدعلی گیلانی کو طبعیت میں بہتری واقع ہونے کے پیش نظر بدھ کی دوپہر کو صورہ میڈیکل انٹسی چیوٹ سری نگر سے ڈسچارج کردیا گیا۔بتادیں کہ سید علی گیلانی کو گذشتہ روز پیٹ میں درد اور بے چینی محسوس ہونے کے بعد صورہ میڈیکل انسٹیچوٹ میں داخل کیا گیا تھا۔حریت ترجمان نے کہا کہ ڈاکٹروں نے گیلانی صاحب کو آرام کا مشورہ دے کر یہ ہدایت بھی دی ہے کہ اُن کے جسم میں لگے پیس میکر کی جانچ کے لیے اگلے چند روز میں پھر سے اسپتال میں داخل ہونے کی ضرورت ہے ۔حریت کانفرنس نے تمام حضرات کا تہہ دل سے شکریہ ادا کیا جنہوں نے خود آکر یا فون پر خیریت دریافت کی۔ حریت کانفرنس نے صورہ اسپتال کے عملہ، متعلقہ ڈاکٹر صاحبان بشمول ڈائریکٹر کا بھی تہہ دل سے شکریہ ادا کیا۔ اللہ اُن سب کو جزائے نیک عطا کرے ۔قابل ذکر ہے کہ گیلانی صاحب کو پچھلے 30 برسوں سے پیس میکر لگا ہوا ہے اور کچھ عرصے سے اس میں تکنیکی خرابی پیدا ہوگئی ہے جس کے معائنے کے لیے امراض قلب کے ماہر داکٹروں نے اس کی دوبارہ تشخیص کا مشورہ دیا ہے ۔سید علی گیلانی کئی امراض میں مبتلا ہیں۔ ان کے بائیں طرف کا گردہ 2002ئمیں رانچی جیل میں قید کے دوران ہی نکال دیا گیا تھا اور 2007ءمیں دائیں گردے کا آدھا حصہ بھی نکال دیا گیا۔
