بھاجپا لداخ خطے کی عوام کا قدرتی انتخاب:روندر رینا
لازوال ڈیسک
لیہہلداخ پارلیمانی نشست پر بھاجپا امیدوار جمیانگ ٹسیرنگ نمگیال کی کامیابی کے لئے بھاجپا ریاستی صدر روندر رینا نے یہاں وادی نبرا میں کئی انتخابی ریلیوں سے تبادلہ خیال کیا ۔انہوں نے کہا کہ بھاجپا لداخ کی عوام کا قدرتی انتخاب ہے ۔اس دوران بھاجپا لیڈران نے ریاستی صدر کے ہمراہ ڈسکٹ، سومور، پرتاپر، ہنڈر اور کھردنگ کا دورہ بھی کیا ۔وہیں کانگریس پر وار کرتے ہوئے رینا نے کہا کہ کانگریس جماعت نے لداخ کی عوام کے جذبات کو نظر انداز کیا ہے ۔انہوںنے کہا کہ کانگریس جماعت لداخ کی ترقی کی خواں نہیں تھی اس لئے دہائیوں تک لداخ کو نظر انداز رکھا گیا ۔اس موقع پر بھاجپا ضلع صدر ڈورجے انچک، ایگزکیوٹیو کونسلر سنڈوپ ، رگزن لنڈوپ، بی جے وائی ایم ریاستی سیکریٹری تاشی و دیگران موجود تھے۔
