تنہا ایاز
پلوامہ پلوامہ میں کرکٹ ٹورنامنٹ کے فائنل میچ کی تقریب پر پرنٹ اور ایلکٹرانک میڈیا سے وابستہ افراد کو ایوارڈ سے نوازا گیا۔اس دوران 162پوئنٹ خون کا عطیہ دینے والے وادی کے ایک نامور سوشل ورکر کی عزت افزائی بھی کی گئی۔ تفصیلا ت کے مطابق سیفران کرکٹ ٹورنامنٹ کے فائنل میچ کے موقعے پر قصبہ پلوامہ کے پرنٹ اور ایلکٹرانک میڈیا سے وابستہ جن افراد کو ایوارڈ سے نوازا گیا ان میں خبررساں ایجنسی یو پی آئے کے نامہ نگار وریڈیو کشمیر سے وابستہ شبیر بٹ ، اعجاز رشید کے این ایس ، میر ذیشان کشمیر ایمیجز ، جاوید صوفی رائزنگ کشمیر ، قیسر میر کشمیر کریون ، سید عادل ای ٹی وی بھارت اور مدثر مقبول آئی این ایس قابل ذکر ہیں۔ نمائندے کے مطابق اس موقعے پر 162بار خون کا عطیہ دینے والے وادی کے معروف سوشل ورکر غمگین مجید ناربلی کو بھی ایوارڈ سے نوازا گیا اور انکی سماجی خدمات کو کافی سراہا گیا۔
