یو این آئی
کولمبو، // سری لنکا پولیس نے گزشتہ اتوار کو ہوئے سلسلہ وار بم دھماکوں کے سلسلے میں گزشتہ 24 گھنٹوں کے دوران 20 مشتبہ افراد کو گرفتار کیا ہے ۔ دی نیوز فرسٹ نے ہفتہ کو ایک پولیس ترجمان کے حوالے سے بتایا کہ ملک بھر میں سکیورٹی مہم کے تحت کی جا رہی کارروائی کے دوران ان لوگوں کو گرفتار کیا گیا۔دی نیوز فرسٹ نے ٹوئٹر پر لکھا ہے کہ پولیس نے جمعہ کو کالمو نائی شہر میں تین بم دھماکوں کے چار مشتبہ ملزموں کی لاشیں برآمد کی تھی ۔قابل ذکر ہے کہ سری لنکا میں ایسٹر کے موقع پر اتوار کو ہوئے سلسلہ وار بم دھماکوں میں 250 سے زائد افراد ہلاک ہو گئے تھے اور پانچ سو سے زیادہ افراد زخمی ہوئے تھے ۔دہشت گرد تنظیم داعش نے مبینہ طور پر ان حملوں کی ذمہ داری لی ہے ۔ یو این آئی
