باہو پلازہ میں ریلی کا ہوا اہتمام ،ڈپٹی ڈائریکٹر اطلاعات نے کیا ریلی کو روانہ
لازوال ڈیسک
جموںیوم ارض کے موقع پر طلباءمیں بیداری لانے کے پیش نظر یہاں مدرس پرائڈ اینڈ جائے پری پرائمری اسکول کی جانب سے ایک اہم تقریب کا انعقاد عمل میں لایا گیا جس میں طلباءکو زمین پر ماحول کے اثرات اور نسل نو کو ماحول کی جانب توجہ دلانے پر تبادلہ خیال کیا گیا ۔اس موقع پر اسکولی طلاب نے قرہ ارض کے متعلق اپنے خیالات کا اظہار کیا اور کئی اہم سرگرمیاں انجام دیں جن میں بوٹل پلانٹرس، فوٹو فریم وغیرہ شامل ہیں ۔اس دوران اسکولی طلاب نے باہو پلازہ میں ایک ریلی بھی نکالی جسے ڈپٹی ڈائریکٹر اطلاعات راکیش دوبے نے جھنڈی دکھا کر روانہ کیا ۔علاوہ ازیں ریلی میں طلباءکے والدین نے بھی شمولیت اختیار کی اور اساتذہ نے اہم جانکاری فراہم کی ۔
