شاہراہ پر آنے جانے والے مسافروں کے لئے پریشانیاں درپیش ہیں:سجاد شاہین
لازوال ڈیسک
جموںجموں و کشمیر نیشنل کانفرنس نے ہفتہ کو جموں سرینگر قومی شاہراہ پر ہفتہ میں دو مرتبہ پوبندی عائد کرنے پر بانہال میں بڑے پیمانے پر احتجاج کیا۔اس دوران ضلع صدر نیشنل کانفرنس سجاد شاہین کی قیادت میںمظاہرین نے اسے انسانی حقوق کی خلاف ورزی قرار دیتے ہوئے حکم کو منسوخ کرنے کا مطالبہ کیا۔شاہین نے کہا کہ اس طرح کے اقدام جموں اور کشمیر کی تاریخ میں پہلی بار کئے گئے ہیںجس میں قومی شاہراہ پر آنے جانے والے مسافروں کے لئے پریشانیاں درپیش ہیں۔ انہوں نے کہا کہ اس طرح کے حکم کے حامیوں نے اپنا دماغ نہیں لگایا ہے، جو لوگوں کے ساتھ ایسی بات کرتے ہیں، جنہیں پیچھے دھکیل دیا گیا ہے۔ضلع صدر نے حکومت کے اس قدم سے لوگوں کو ہونے والی تکلیف کا ذکر کرتے ہوئے امید ظاہر کی کہ گورنر ستیہ پال ملک پابندی کا فوری جائزہ لیں گے اور حکم واپس لینے کے معاملے میں اہم اقدامات کریں گے۔
