یواین آئی
امیٹھیکانگریس صدر راہل گاندھی نے رافیل طیارہ سودے میں دھاندلی کا الزام دہراتے ہوئے وزیراعظم نریندر مودی کو اس معاملے میں کھلی بحث کے لیے چیلنج کیا۔ مسٹر گاندھی نے بدھ کے روز اپنے پارلیمانی حلقے امیٹھی میں کاغذات نامزدگی داخل کرنے کے بعد صحافیوں سے کہا کہ میں پھر کہتا ہوں کہ لڑاکا طیارے کی خریداری میں دھاندلی ہوئی ہے ۔ میں اپنی بات پر قائم ہوں۔ اس معاملے پر جب سچائی سامنے آئی گی تو اس میں انل امبانی اور وزیراعظم نریندر مودی کا نام ہوگا۔ میں اب بھی کہہ رہا ہوں کہ وزیراعظم جہاں چاہیں مجھ سے اس معاملے میں بحث کرسکتے ہیں۔ میں ہر جگہ کے لئے تیار ہوں۔ انہوں نے کہا کہ سپریم کورٹ نے رافیل سودے میں دھاندلی کے الزامات کی جانچ کرانے کی بات تسلیم کی ہے ۔ یہ بات کانگریس کی دلیل کی تصدیق کرتی ہے ۔ مسٹر گاندھی نے گوری گنج واقع کلکٹریٹ میں اپنے خاندان کے ارکان کی موجودگی میں اپنی روایتی سیٹ امیٹھی سے پرچہ نامزدگی داخل کیا۔ اس موقع پر مسٹر گاندھی کے ساتھ ان کی ماں سونیا گاندھی، بہن اور کانگریس جنرل سکریٹری پرینکا گاندھی ، شوہر رابرٹ واڈرا اور ان کے بچے ریحان اور ماریا موجود تھے ۔ اس سے قبل مسٹر گاندھی نے تقریباً 40 منٹ روڈ شو کیا جس میں خاندان کے ارکان اور بڑی تعداد میں کانگریسی کارکنان نے شرکت کی۔ متحدہ ترقی پسند اتحاد (یو پی اے ) صدرصحت وجوہات کے سبب روڈ شو میں شامل نہیں ہوئی تھیں اور وہ براہ راست کلکٹریٹ پہنچیں۔امیٹھی میں چھ مئی کو پولنگ ہونی ہے ۔مسٹر گاندھی نے پرچہ نامزدگی داخل کرنے کا عمل شروع ہونے کے پہلے ہی دن اپنے پرچہ داخل کئے ۔ جمعرات کو یہاں بھارتیہ جنتا پارٹی (بی جے پی) امیدوار اور مرکزی وزیر اسمرتی ایرانی اپنے کاغذات نامزدگی داخل کریں گی۔ واضح رہے کہ مسٹر گاندھی اس بار امیٹھی کے علاوہ کیرالہ کے وایناڈ سے بھی انتخابی میدان میں ہیں اور وہاں سے چار اپریل کو اپنے کاغذات نامزدگی داخل کر چکے ہیں۔
